પડછાયો છે

કોઈ દિવસ હું રડી પડું, પણ બોસ, સખત પડછાયો છે,
મારો હમદમ, મારો એક જ દોસ્ત, ફકત પડછાયો છે.

હર્ષ-શોકના દ્વંદ્વયુદ્ધમાં હાર-જીત છે પળપળની,
હોય ગમે તેવી ક્ષણ છોને, સાથ સતત પડછાયો છે.

તેજ-તિમિરના આટાપાટા, દૃશ્ય જગતની માયાજાળ,
આંખોના અખબાર મથાળે કોણ લખત પડછાયો છે.

સૂરજના ઉગવાનું કારણ સમજણની સીમા પર છે,
પૂછો જઈ એને કે એનો એક ભગત પડછાયો છે.

હાડ-ચામની પેટીમાં નિત શ્વાસોની આવન-જાવન,
માણસની હસ્તી શું આખર, એજ કહત, પડછાયો છે.

‘ચાતક’ તારી કિસ્મતમાં પણ ક્યાંક લખેલો છે સૂરજ,
હાથ ભલે લાગે જે તુજને સર્વ વખત, પડછાયો છે.

– © દક્ષેશ કોન્ટ્રાકટર ‘ચાતક’

COMMENTS (11)

હર્ષ-શોકના દ્વંદ્વયુદ્ધમાં હાર-જીત છે પળપળની,
હોય ગમે તેવી ક્ષણ છોને, સાથ સતત પડછાયો છે.
આ દ્વૈતની અનુભૂતીને પડછાયાનું સ્વરુપ અને પ્રતિક તરીકે મૂકી આપી અભિવ્યક્તિ પાસે ધાર્યું કામ કરાવ્યું છે,એ જ કવિ કર્મ–ગમ્યું.

Reply

નવી રદીફ-કાફિયામાં કહેવાયેલી સુંદર ગઝલ.

હાડ-ચામની પેટીમાં નિત શ્વાસોની આવન-જાવન,
માણસની હસ્તી શું આખર, એજ કહત, પડછાયો છે.

તેજ-તિમિરના આટાપાટા, દૃશ્ય જગતની માયાજાળ,
આંખોના અખબાર મથાળે કોણ લખત પડછાયો છે.

દ્વંદ યુધ્ધ હાર-જીત માં મન અને અહમ -શું આજ પડછાયો !
મને યાદ આવ્યું જુનુ ગીત…
તોરા મન દર્પન કેહલાયે
સુખ કી કલિયાં, દુઃખકે કાંટે ..મન સબકા આધાર..
જગ સે ચાહે ભાગ લે કોઈ મન સે ભાગ ન પાયે..
ઈસ ઉજ્લે દર્પન પર કોઈ ધુલ ન જમને પાયે..

Reply

શ્વાસોની આવન-જાવન વચ્ચે એ જ પડછાયો !
સુન્દર રચના ભૈ દક્ષેશભાઇ !…..આભાર !

Reply

હાડ-ચામની પેટીમાં નિત શ્વાસોની આવન-જાવન,
માણસની હસ્તી શું આખર, એજ કહત, પડછાયો છે.

ખુબ જ સહેજતા થી તમે જીવન નુ સત્ય રજુ કર્યુ છૅ…
તમારી નવી કવિતા ની આતુરતા થી રાહ જોવાય છૅ…

@ Girija ji,
આપના પ્રતિભાવ બદલ આભાર. આપના જેવા સાહિત્યપ્રેમી વાચકોના પ્રતિભાવ લેખન માટેની પ્રેરણા પૂરી પાડે છે.

હાડ-ચામની પેટીમાં નિત શ્વાસોની આવન-જાવન,
માણસની હસ્તી શું આખર, એજ કહત, પડછાયો છે.

કાફિયાને રદીફ સાથે શેરના સમ્પૂર્ણ ભાવમાં વણી લઈને સરસ રીતે નિભાવ્યા છે.
સરસ ગઝલ

સૂરજના ઉગવાનું કારણ સમજણની સીમા પર છે,
પૂછો જઈ એને કે એનો એક ભગત પડછાયો છે.

વાહ……સુરજને પોતાની હસ્તી નું ભાન કરાવતો આ પડછાયો સમગ્ર ગઝલમાં છવાયો છે.
અતિસુંદર ……..આપ યુ હી લિખતે રહો ઐસી શુભકામના.

Reply

It’s OK to read/write/talk-about/discuss/debate etc about BEINGS and THINGS of the WORLD ie UNIVERSE; because WE have body-brain-intellect-mind etc..!!
But I would like to KNOW that were we really just names and forms ie Body-intellect-mind etc or were we really nameless-formless-selfless-unselfish etc and therefore ETERNAL..!!
Think about that for a moment..!!
R K Patel,
WN, NZ.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)