Press "Enter" to skip to content

એના અભાવમાં

કેવી ઘટી હશે ભલા ઘટના તળાવમાં,
રોઈ રહ્યાં છે માછલાં જળના પ્રવાહમાં.

માણસ કરી ગયો ફરી સંબંધની કતલ
વૃક્ષોની જાત એટલે સઘળી તનાવમાં.

આંસુને લૂછવા વિહગ આવી શકે નહીં,
ટહુકાઓ મોકલી દીધા એથી ટપાલમાં.

બેચેન થૈ જવા સુધી પ્હોંચી ગઈ કથા,
ઉછળી રહ્યો છે એટલે સાગર લગાવમાં.

ઉત્તર ગળી શકાય ના પૂછેલ પ્રશ્નનો,
પૂછો નહીં સવાલ તો એના જવાબમાં.

ચાતક, તમે મઢો હવે તસ્વીર આંખમાં,
જીવાય અન્યથા નહીં એના અભાવમાં.

– © દક્ષેશ કોન્ટ્રાકટર ‘ચાતક’

11 Comments

  1. ધીરજ પ્રજાપતિ
    ધીરજ પ્રજાપતિ July 6, 2012

    બેચેન થૈ જવા સુધી પ્હોંચી ગઈ કથા,
    ઉછળી રહ્યો છે એટલે સાગર લગાવમાં.

  2. Pravin Shah
    Pravin Shah April 28, 2012

    જીવાય અન્યથા નહીં એના અભાવમાં….

    બધા જ શેર આસ્વાદ્ય થયા છે.
    સુંદર અને પ્રવાહી લયમાં વહેતી ગઝલ !

  3. Pancham Shukla
    Pancham Shukla April 23, 2012

    સાદ્યંત સુંદર ગઝલ. બધા જ શેર ગમી જાય એવા છે.

  4. Sudhir Patel
    Sudhir Patel April 23, 2012

    ખૂબ સુંદર ગઝલના બધાં જ શે’ર માણવાલાયક થયા છે!
    સુધીર પટેલ.

  5. Karasan Bhakta USA
    Karasan Bhakta USA April 22, 2012

    …..રોઇ રહ્યા છે માછલા જળના પ્રવાહમા.
    વધુ એક સુન્દર રચના !!!

  6. Raju Kotak
    Raju Kotak April 22, 2012

    ટહુકાઓ મોકલી દીધા એથી ટપાલમાં.

    ખુબ જ સુંદર વાત કરી દક્ષેશભાઈ,,,,,,,,,કવિતામાં ભાવ એવો નીખરી ને ઉભરી આવે છે કે કોઈ અભાવ રહેતો જ નથી……મજા પડી ગઈ!

  7. Narendra Jagtap
    Narendra Jagtap April 21, 2012

    માણસ કરી ગયો ફરી સંબંધની કતલ
    વૃક્ષોની જાત એટલે સઘળી તનાવમાં……

    વાહ વાહ …સરસ મઝાના શેર છે…..લગે રહો…

  8. Rekha Shukla (Chicago)
    Rekha Shukla (Chicago) April 20, 2012

    દક્ષેશભાઈ ખુબ સરસ એકોએક કાફિયા એકએકથી ચડિયાતા…તમારા જેવી ફાવટ આવી જાય તો કેવુ સારુ થાય..મારો પ્રયત્ન જારી રેહશે..!!

  9. ટહુકાઓ મોકલી દીધા એથી ટપાલમાં.

    દક્ષેશભાઈ સરસ કામ થઈ રહ્યું છે, આપ જોમ અને લગાવ જાળવી રખશો તો તમારી પાસેથી વધારે ને વધારે સારું મળી રહેશે એવી અપેક્ષા છે,

    જય કવિતા….

  10. અશોક જાની 'આનંદ'
    અશોક જાની 'આનંદ' April 20, 2012

    આંસુને લૂછવા વિહગ આવી શકે નહીં,
    ટહુકાઓ મોકલી દીધા એથી ટપાલમાં.

    વાહ…!! સુંદર અભિવ્યક્તિ.. આઝાદ કાફિયામાં આમ તો આખી ગઝલ મસ્ત થઇ છે.

  11. Himanshu Patel
    Himanshu Patel April 20, 2012

    માણસ કરી ગયો ફરી સંબંધની કતલ
    વૃક્ષોની જાત એટલે સઘળી તનાવમાં.

    આંસુને લૂછવા વિહગ આવી શકે નહીં,
    ટહુકાઓ મોકલી દીધા એથી ટપાલમાં……બન્ને સરસ અને આસ્વાદ્ય રહ્યા.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.