પુષ્ટિમાર્ગી વૈષ્ણવોનું સૌથી મનગમતું ગીત …જે એટલું સુંદર અને મધુર છે કે કોઈને પણ વારંવાર સાંભળવું ગમે. ગીત સાંભળી નાથદ્વારામાં દર્શન કરેલ શ્રીનાથજીની મૂર્તિ મન સામે ખડી થઈ જાય છે. માણો ભક્તિરસમાં તરબોળ કરતું આ પદ.
*
*
સ્વર – દેવેશ દવે, આલ્બમ- હરિનામ
*
મારા ઘટમાં બિરાજતા શ્રીનાથજી, યમુનાજી, મહાપ્રભુજી
મારુ મનડું છે ગોકુળ વનરાવન
મારા તનના આંગણિયામાં તુલસીનાં વન
મારા પ્રાણ જીવન….મારા ઘટમાં.
મારા આતમના આંગણે શ્રીમહાકૃષ્ણજી
મારી આંખો દીસે ગિરિધારી રે ધારી
મારુ તન મન ગયું છે જેને વારી રે વારી
હે મારા શ્યામ મુરારિ…..મારા ઘટમાં.
હે મારા પ્રાણ થકી મને વૈષ્ણવ વ્હાલા
નિત્ય કરતા શ્રીનાથજીને કાલા રે વાલા
મેં તો વલ્લભ પ્રભુજીનાં કીધાં છે દર્શન
મારું મોહી લીધું મન…..મારા ઘટમાં.
હું તો નિત્ય વિઠ્ઠલ વરની સેવા રે કરું
હું તો આઠે સમા કેરી ઝાંખી રે કરું
મેં તો ચિતડું શ્રીનાથજીને ચરણે ધર્યું
જીવન સફળ કર્યું … મારા ઘટમાં.
મેં તો પુષ્ટિ રે મારગ કેરો સંગ રે સાધ્યો
મને ધોળ કિર્તન કેરો રંગ રે લાગ્યો
મેં તો લાલાની લાલી કેરો રંગ રે માંગ્યો
હીરલો હાથ લાગ્યો … મારા ઘટમાં.
આવો જીવનમાં લ્હાવો ફરી કદી ના મળે
વારે વારે માનવદેહ ફરી ન મળે
ફેરો લખ રે ચોર્યાસીનો મારો રે ફળે
મને મોહન મળે … મારા ઘટમાં.
મારી અંત સમય કેરી સુણો રે અરજી
લેજો શરણોમાં શ્રીજીબાવા દયા રે કરી
મને તેડાં રે યમ કેરાં કદી ન આવે
મારો નાથ તેડાવે … મારા ઘટમાં.
સદા અમર એવું સુંદર ભક્તિગીત-ભજન
અતિ સુંદર. શ્રી ઠાકોરજીની કૃપા થાય તો આવું સરસ સર્જન થાય.
My Favourite Song Forever…..Can i download it..?
જય શ્રી ક્રિશ્ના. ખુબ સુન્દર.
આ ભજન મને બહુ જ ગમે. હુ આ ભજન દરેકને ગમશે.
જય શ્રીકૃષ્ણ. પ્રભુભક્તિમાં તરબોળ કરતું લયમાધુર્ય .. સર્જકની શક્તિને સલામ..
આ ભજન કોણે લખ્યું છે? કોઈને પણ ખબર હોય તો જણાવજો. આટલું અદભુત ભજન અને લખનારો છુપાઈ રહે તે ના ચાલે. પ્લીઝ ખબર હોય તો જણાવો !!!!
Dear,
it is very good to hear all Gujarati songs. I really like this. You can let me know on email i will be oblige
Thanks.
Really, feeling so well after listening this bhajan. If u have any more than please upload it. i want to listen more bhajans
આજે પહેલી વાર આ સાઈટ જોઈ. આટલો વખત ગુમાવ્યો તેનો અફસોસ છે. મને આ ગાયન બહુ ગમે છે. થઇ જવાય ભકિતરસમા તરબોળ ભજન સાંભળીને, વારંવાર સાંભળવાનુ મન થાય, શું અદભૂત રચના …! બે ત્રણવાર માણ્યું સાથે ગાયું.મારુ પ્રિય પદ સાંભળીને ખૂબ આનંદ થયો. આભાર.સમગ્ર વૈષ્ણવ સમુદાયના અને ઠાકુરજીના ખુબ ખુબ આશીર્વાદ ઉતરો એજ પ્રાર્થના.
જય શ્રી ક્રિશ્ના,
આભાર.
આજે પહેલી વાર આ સાઈટ જોઈ. આટલો વખત ગુમાવ્યો તેનો અફસોસ છે. અમીબેનને ખૂબ ધન્યવાદ. અમીબેન, નવા ભજનો જરૂર મૂકશો. શ્રીજીની કૃપા તમારા પર સદા રહે.
Thank you very much for this lovely site…!! Hats off to the owner of this site!!
Verrrrrrrrry good