રૂપ કૈફી હતું
આજે સાંભળો એક કેફ ચઢી જાય એવી ગઝલ. શોભિત દેસાઈની રચનાને પંકજ ઉધાસે સ્વર આપીને વધુ કૈફી બનાવી છે. આ સુંદર રોમેન્ટીક ગઝલમાં એક નાજુક અને સુંદર મુલાકાતને વણી લેવાઈ છે. ગઝલ પહેલાંનું મુક્તક ખૂબ સુંદર, ગઝલ સુંદર અને પંકજ ઉધાસનો મદહોશ કરે તેવો સ્વર. પછી બીજું શું કહેવાનું હોય ? એને તો બસ વારંવાર માણવાનું હોય. ખરું ને ?
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
બચ્યા છે કેટલા ? એ શબ્દ પણ ગણી લઉં છું
છૂટો પડું છું ને ખુદની સિલક ગણી લઉં છું
ક્ષણો, કલાક, દિવસ, માસ, વર્ષ કે સૈકા
તમે હો એવા સમયને પ્રણય ગણી લઉં છું
*
રૂપ કૈફી હતું, આંખો ઘેલી હતી, ને હથેળીમાં એની હથેળી હતી
મન મહેકતું હતું, ભીના કંપન હતા, એની સાથે મુલાકાત પહેલી હતી
આંખમાં એક દરિયો છુપાયો હતો, પણ શિશુ જેવો નિર્દોષ ચહેરો હતો
છોકરી મારી સામે જે બેઠી હતી, ખૂબ અઘરી હતી, સાવ સહેલી હતી
મીઠી મુંઝવણ હતી, હોઠ તો ચૂપ હતા, જો હતો, તો હતો મૌનનો આશરો
એણે જ્યારે કહ્યું, હું તને ચાહું છું, જિંદગી એક પળમાં ઉકેલી હતી
જોતજોતામાં બસ એ રિસાઇ ગઇ, પણ દૂર ના જઇ શકી મારાથી એ
ફેરવી તો લીધું મોઢું છણકો કરી, પીઠથી પીઠ તો પણ અઢેલી હતી.
- શોભિત દેસાઈ
October 22nd, 2008 at 6:47 pm
પંકજના સ્વરમાં મુક્તક અને ગઝલની ખૂબ સુંદર ગાયકી
શોભીત પણ ખૂબ રોમાન્ટિક રહ્યો!
October 22nd, 2008 at 8:11 pm
ખૂબ જ સુંદર ગઝલ. ખરેખર કેફ ચડી ગયો.
October 27th, 2008 at 8:28 pm
જોતજોતામાં બસ એ રિસાઇ ગઇ, પણ દૂર ના જઇ શકી મારાથી એ
ફેરવી તો લીધું મોઢું છણકો કરી, પીઠથી પીઠ તો પણ અઢેલી હતી.
દિવાળીમાં તમોએ સ્વીટ મોકલાવી હોય તેમ લાગે છે. જુદાઇની વેદના આવી હોય તો એવી જુદાઈનો ગમ નથી. તમે ગઝલનો બહુ કેફ ચડાવો નહીં ! ગુજરાતમાં કેફી પીણાની મનાઈ છે !!!
December 2nd, 2008 at 3:35 pm
after a long time I hear Pankaj Udhas singing.
Heard him years back in Ahmedabad at Sports club in his early days also at Rajpath club..
The same charming,enchanting melodious voice now of course he is a celebrity singer..
Thanks
Upendra
November 30th, 2009 at 1:15 am
Just Love This !!!!!!!!!!!!!!!!!
July 8th, 2010 at 9:08 pm
This is my most favorite gazal. thanks for updet this gazal.