ગર્ભમાં નાતો કરે છે જિંદગી,
મ્હેંકમાં વાતો કરે છે જિંદગી.
મૌનના અંધારની વચ્ચે જઈ,
શબ્દને ગાતો કરે છે જિંદગી.
વાંઝણી આંખોમહીં સપનાં જણી,
રેશમી રાતો કરે છે જિંદગી.
શક્યતાનાં બારણાં ખોલી સતત,
કૈંક રજૂઆતો કરે છે જિંદગી.
ક્યાંક આંસુ, ક્યાંક બોખા સ્મિતથી,
અવનવી ભાતો કરે છે જિંદગી.
એક મુઠ્ઠી શ્વાસની છે વારતા,
અંત પડઘાતો કરે છે જિંદગી.
શું હવે અફસોસ ‘ચાતક’ અંતનો,
રોજ શરૂઆતો કરે છે જિંદગી.
– દક્ષેશ કોન્ટ્રાકટર ‘ચાતક’
ખુબ જ સરસ ગઝલ.
શક્યતાનાં બારણાં ખોલી સતત,
કૈંક રજૂઆતો કરે છે જિંદગી.
ક્યાંક આંસુ, ક્યાંક બોખા સ્મિતથી,
અવનવી ભાતો કરે છે જિંદગી.
એક મુઠ્ઠી શ્વાસની છે વારતા,
અંત પડઘાતો કરે છે જિંદગી
જિંદગી વિશે હકારાત્મક અભિગમ દર્શાવતી સુંદર ગઝલ.
ખુબ્જ સરસ ગઝલ…
શક્યતાનાં બારણાં ખોલી સતત,
કૈંક રજૂઆતો કરે છે જિંદગી.
શું હવે અફસોસ ‘ચાતક’ અંતનો,
રોજ શરૂઆતો કરે છે જિંદગી…… અતિ સુંદર.
તમારી એકે એક રચના માણવા લાયક હોય છે.
૨૪મી એ દીકરીને ત્યાં કેનેડા આવ્યો અને સેટલ થઇ ઘણા વખતે મેઈલ બોક્ષ ખોલ્યું એટલે પ્રતિભાવ વિલંબિત થયો.
સર્વાંગ સુંદર ગઝલ, દરેક શે’ર ચોટદાર થયાં છે. આ વધુ અસરકારક લાગ્યાં…
શક્યતાનાં બારણાં ખોલી સતત,
કૈંક રજૂઆતો કરે છે જિંદગી.
ક્યાંક આંસુ, ક્યાંક બોખા સ્મિતથી,
અવનવી ભાતો કરે છે જિંદગી.
શું હવે અફસોસ ‘ચાતક’ અંતનો,
રોજ શરૂઆતો કરે છે જિંદગી.
ઈશ્વરનું પ્રેમરૂપી પીંછુ જરૂર તમારા દિલમાં આવે છે… અદેખાઈ થાય છે મને તમારી કારણ જો કોહીનુર હીરાને વાચા આવે ને તો તમારા દિલમાં રહેવા આવવાની પહેલા માંગણી કરે. તમારો ફોન નંબર આપશો મને ? તમારી સાથે વાતો કરવી છે….
– વિનુ સચાણીયા..
વાહ! દરેક શે’ર જાનદાર અને માણવાલાયક થયાં છે!!
અભિનંદન, દક્ષેશભાઈ!
સુધીર પટેલ.
આજે છે ને કાલે નથી; તોય રોજની શરુઆત કરે છે જિદગી…..
સરસ ગઝલ.
એક મુઠ્ઠી શ્વાસની છે વારતા,
અંત પડઘાતો કરે છે જિંદગી.
શું હવે અફસોસ ‘ચાતક’ અંતનો,
રોજ શરૂઆતો કરે છે જિંદગી.
– દક્ષેશ કોન્ટ્રાકટર ‘ચાતક’
એક ભાવ જગતને આબેહૂબ રીતે સુંદર ગઝલથી ગાયું છે. આપના લેખન કૌશલ્યને ધન્યવાદ.
– રમેશ પટેલ(આકાશદીપ)
વાહ બાપુ ! ઘણી ખમ્મા બાપુને !
જિંદગીના ભિન્ન મિજાજને એની લાક્ષણિકતા સાથે રજુ કરતી સુંદર ગઝલ.
ક્યાંક આંસુ, ક્યાંક બોખા સ્મિતથી,
અવનવી ભાતો કરે છે જિંદગી.
રોજ શરૂઆતો કરે છે જિંદગી…
સરસ ગઝલ ! બધા જ શેર આસ્વાદ્ય થયા છે.
કીર્તિકાન્તભાઈની વાત વિચારવા જેવી ખરી.
સુંદર માણવાલાયક ગઝલ.
શ્રી. દક્ષેશભાઇ,
‘મૌનના અંધારની વચ્ચે જઈ’ માં
મૌનના અવકાશની વચ્ચે જઈ ….. કરો તો?
આમ તો કવિના ભાવપ્રદેશમાં ચંચુપાત કરાય નહિ પણ મિત્રદાવે જરા સુચન જ કરું છું. … દરગુજર કરશો.
સરસ ગઝલ.
મૌનના અંધારની વચ્ચે જઈ,
શબ્દને ગાતો કરે છે જિંદગી.
શક્યતાનાં બારણાં ખોલી સતત,
કૈંક રજૂઆતો કરે છે જિંદગી……..
ખુબ જ સરસ ગઝલ. વાહ વાહ …
મૌનના અંધારની વચ્ચે જઈ,
શબ્દને ગાતો કરે છે જિંદગી.
સુન્દર …
સરસ ગઝલ દક્ષેશભાઈ…
અભિનંદન.
જિંદગી વિશે હકારાત્મક અભિગમ દર્શાવતી સુંદર ગઝલ..
ખૂબ સ રસ ગઝલના આ શેરો
મૌનના અંધારની વચ્ચે જઈ,
શબ્દને ગાતો કરે છે જિંદગી.
વાંઝણી આંખોમહીં સપનાં જણી,
રેશમી રાતો કરે છે જિંદગી.
વાહ્
આખ્ખે આખ્ખી ગઝલ માણવા લાયક. શબ્દો અને ભાવ-વિચારોનો સુભગ સંગમ.
મક્તાનો શેર તો લાજવાબ.
શું હવે અફસોસ ‘ચાતક’ અંતનો,
રોજ શરૂઆતો કરે છે જિંદગી.
વાહ્ વાહ્..!!!