સૂરજના કિરણો ચાળીને આંખોમાં અંજાય નહીં,
પડછાયાના રંગોથી ઘર-ભીંતોને રંગાય નહીં.
સપનાનાં વાવેતર કરતાં પાક ઉગે જો વિસ્મયનો,
તો માણસ થઈને, માણસથી કૈં કાચસમું ભંગાય નહીં.
અમૃતમંથનમાંથી નીકળેલું અમૃત ખૂટે પળભરમાં,
અહીં વેર-ઝેરમાં સડતો માણસ, સડવાથી ગંધાય નહીં.
હીરા-મોતી ને વૈભવની છે ભૂખ ભયંકર માણસને,
એ લાખ કરે કોશિશ છોને, અહીં દોલતને રંધાય નહીં.
તું શંકાનો ધાગો લૈને મારે સંબંધો પર બખિયા,
ઓ દોસ્ત, દોસ્તીની ચાદરને એ રીતે સંધાય નહીં.
આ આવરણોની દુનિયામાં ‘ચાતક’ છે ગામ અરીસાનાં,
અહીં ચ્હેરા તો ઢંકાય સહજ પણ જાત કદી ઢંકાય નહીં.
– દક્ષેશ કોન્ટ્રાકટર ‘ચાતક’
ખુબ ખુબ ખુબ જ સરસ રચના… બહોત ખુબ …વાહ વાહ
વધુ એક સરસ ગઝલ!
સુધીર પટેલ.
ભરી આખોમાં આંસુ નાવડી મેં તરતી મુકી ને થાકી હલેસા મારી તોય કિનારે જઈ ક્યાંય અટકી નહિ ….
દક્ષેશભાઈ..સુંદર ગઝલ. છેલ્લા બે શેર ખાસ ગમ્યા. અભિનંદન
તું શંકાનો ધાગો લૈને મારે સંબંધો પર બખિયા,
ઓ દોસ્ત, દોસ્તીની ચાદરને એ રીતે સંધાય નહીં.
આ આવરણોની દુનિયામાં ‘ચાતક’ છે ગામ અરીસાનાં,
અહીં ચ્હેરા તો ઢંકાય સહજ પણ જાત કદી ઢંકાય નહીં.
વાહ્..ક્યા બાત હૈ..
સુઁદર કલ્પનો સાથેની મનોગમ્ય રચના
વાહ……
સૂરજના કિરણો ચાળીને આંખોમાં અંજાય નહીં,
પડછાયાના રંગોથી ઘર-ભીંતોને રંગાય નહીં.
નવી વાત અને નવી અભિવ્યક્તિ.
સૂરજના કિરણો ચાળીને આંખોમાં અંજાય નહીં…
સુંદર મત્લા અને મક્તાથી રસાયેલ મૂદુ સૂર્યકિરણો શી ગઝલ !
અભિનંદન દક્ષેશભાઈ !
સુંદર ભાવભરી પંક્તિઓ છે.
“તું શંકાનો ધાગો લૈને મારે સંબંધો પર બખિયા,
ઓ દોસ્ત, દોસ્તીની ચાદરને એ રીતે સંધાય નહીં.”
સૂરજના કિરણોથી ઉઘડતી ગઝલના દરેક શે’ર અર્થપૂર્ણ અને માણવા લાયક થયા છે.
આ વિશેષ ગમ્યુ..
સપનાનાં વાવેતર કરતાં પાક ઉગે જો વિસ્મયનો,
તો માણસ થઈને, માણસથી કૈં કાચસમું ભંગાય નહીં.
તું શંકાનો ધાગો લૈને મારે સંબંધો પર બખિયા,
ઓ દોસ્ત, દોસ્તીની ચાદરને એ રીતે સંધાય નહીં.
વાહ….
દક્ષેશભાઇ
સરસ ગઝલ બની છે મક્તા વધારે ગમ્યો.
સપનાનાં વાવેતર કરતાં પાક ઉગે જો વિસ્મયનો,
તો માણસ થઈને, માણસથી કૈં કાચસમું ભંગાય નહીં.
દ્ક્ષેશભાઈ ખૂબ સરસ!
સપના
ખરી વાત છે જાત કદી ઢઁકાય નહીઁ.
બધી સાચી વાતો છે ભાઇ ! આભાર !
અમૃતમંથનમાંથી નીકળેલું અમૃત ખૂટે પળભરમાં,
અહીં વેર-ઝેરમાં સડતો માણસ, સડવાથી ગંધાય નહીં.
હીરા-મોતી ને વૈભવની છે ભૂખ ભયંકર માણસને,
એ લાખ કરે કોશિશ છોને, અહીં દોલતને રંધાય નહીં.
સ રસ