Press "Enter" to skip to content

લગાવ

[ ઉંમર વધે એટલે પ્રેમ ઘટવો નહિ પણ મજબૂત બનવો જોઈએ, જેમ વૃક્ષના મૂળ સમય જતાં ઉંડા જાય તે રીતે. એકમેકના સાચા સાથીદાર હોવું એ પ્રસન્ન અને મધુર દામ્પત્ય જીવનની નિશાની છે. વાળ ધોળા થયા પછી પ્રૌઢાવસ્થાએ પાંગરતા પ્રેમની અનેરી મીઠાશ વર્ણવતી સુરેશ દલાલની આ કૃતિ માણવા જેવી છે. ]

ડોસાએ ડોસીને જીદ કરી કહ્યું:
હવે હાથમાં તું મેંદી મૂકાવ,
કો’કના લગનમાં જઈએ તો લાગે
કે આપણો પણ કેવો લગાવ.

આપણને જોઈ પછી કોઈને પણ થાય
કે પરણી જઈએ તો કેવું સારું,
મંગળફેરા ફરતા જીવોને લાગે કે
જીવન હોય તો આવું સહિયારું;

ઘેરદાર ઘાઘરો ને ઘરચોળું પ્હેરીને
ઠાઠ અને ઠસ્સો જમાવ.

તારી મેંદીમાં મારું ઉપસશે નામ
અને નામમાં દેખાશે તારો ચહેરો,
હાથમાં હાથ હવે ઝાલીને મ્હાલીએ
ને ફરી લઈએ જીવતરનો ફેરો;

સોનલ કમળ અને રૂપેરી ભમરો છે
ને બિલોરી આપણું તળાવ !

– સુરેશ દલાલ

3 Comments

  1. Harishchandra
    Harishchandra July 29, 2008

    enjoyed the reading of suresh dalal’s wonderful poetry.

  2. Ashwin-Sonal
    Ashwin-Sonal July 29, 2008

    તારી મેંદીમાં મારું ઉપસશે નામ
    અને નામમાં દેખાશે તારો ચહેરો,
    હાથમાં હાથ હવે ઝાલીને મ્હાલીએ
    ને ફરી લઈએ જીવતરનો ફેરો

    વાહ ભૈ વાહ.. બહુ સરસ. મજા આવી ગઇ.

  3. Asha Bhakta
    Asha Bhakta July 31, 2008

    i like your site ami….keep it up!!! its wonderful to read such a nice poem. i’m sooo happy for you and i love you…take care or your health. say namaste to masi and kaka and atul.

Leave a Reply to Asha Bhakta Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.