*
સ્વર : મનહર ઉધાસ
*
આંખો રડી પડી અને રેલાય છે અવાજ
છે બંધ હોઠ તોય વહી જાય છે અવાજ
બોલ્યા તમે એ વાતને વર્ષો થઇ ગયા
દિલમાં હજીય કેમ એ પડઘાય છે અવાજ
હોઠોનું સ્મિત આંખના મદમસ્ત ઇશારા
શબ્દો વિનાય આજ તો સંભળાય છે અવાજ
છે એમનાથી તો એ પરિચિત ઘણો છતાં
દિલની છે વાત એટલે શરમાય છે અવાજ
દિલની દિવાલો ગુજંતી થઇ જાય છે ‘મહેંક’
જો એની યાદનો કદી અથડાય છે અવાજ
– મહેંક ટંકારવી
Very nice
હોંકારો એક દેશો તોય ચાલશે પછી તો પડઘાઓજ ભરી દેશે ખાલીપો.
Beautyful Ghazal. I came across your web accidently. Is there any way one can download these songs.
Thanks
મનહર ઉધાસ મૂર્તિમાં પ્રાણ પૂરે છે.
સરસ રચના..