Press "Enter" to skip to content

છેલાજી રે

આજે સૌને ગમતું ગીત મૂકું છું. આ ગીત સાંભળ્યું ના હોય એવો ભાગ્યે જ કોઈ ગુજરાતી હશે. ગીતમાં પ્રેમની અભિવ્યક્તિ માટે પરણેતર પોતાના પિયુને પાટણથી પટોળાં લાવવાનું કહે છે. કદાચ તે સમયે તે ખૂબ મોંઘા હશે અને પહેરવેશ તથા શૃંગારની દુનિયાનું નજરાણું હશે. તો ચાલો માણીએ અવિનાશભાઈની અસંખ્ય અમર કૃતિઓમાંની આ એકને.
*
સ્વર: સોનાલી બાજપાઇ; આલ્બમ: તારી આંખનો અફીણી

*
છેલાજી રે…..
મારે હાટુ પાટણથી પટોળાં મોંઘાં લાવજો ;
એમાં રૂડાં રે મોરલિયા ચિતરાવજો
પાટણથી પટોળાં મોંઘાં લાવજો….. છેલાજી રે…..

રંગ રતુંબલ કોર કસુંબલ,
પાલવ પ્રાણ બિછાવજો રે
પાટણથી પટોળાં મોંઘાં લાવજો….. છેલાજી રે…..

ઓલ્યા પાટણ શે’રની રે, મારે થાવું પદમણી નાર,
ઓઢી અંગ પટોળું રે, એની રેલાવું રંગધાર;
હીરે મઢેલા ચૂડલાની જોડ મોંઘી મઢાવજો રે,
પાટણથી પટોળાં મોંઘાં લાવજો….. છેલાજી રે…..

ઓલી રંગ નીતરતી રે, મને પામરી ગમતી રે,
એને પહેરતાં પગમાં રે, પાયલ છમછમતી રે;
નથણી લવિંગિયાં ને ઝૂમખાંમાં મોંઘાં મોતી મઢાવજો રે,
પાટણથી પટોળાં મોંઘાં લાવજો….. છેલાજી રે….

– અવિનાશ વ્યાસ

નોંધ – પાટણના પટોળાં એ ગુજરાતની આગવી અને સદીઓ જૂની હસ્તકલા છે. આજથી લગભગ આઠસો-નવસો વરસ પહેલાં રાજા કુમારપાળ સોલંકીના સમયમાં એ એની બુલંદીઓ પર હતી. સમય જતાં એ કલા લગભગ નષ્ટ થઈ ગઈ. આજે જૂજ કારીગરો અને કેટલીક સંસ્થાઓ દ્વારા એને જીવતી રાખવાનો પ્રયાસ થઈ રહ્યો છે. પાટણનાં પટોળાં વિશે વધુ માહિતી માટે અહીં જુઓ.

5 Comments

  1. Pragnaju
    Pragnaju August 23, 2008

    નાનપણથી અનેકવાર ગાયેલુ, અવિનાશનું સરસ, ખુબ સરસ, અમર ગીત.

  2. Mansi
    Mansi August 23, 2008

    I like this song. I like all Gujarati songs. I like all songs of Avinash Vyas.

  3. Ajaysinh
    Ajaysinh September 8, 2010

    pls tell us how to download this songs

  4. Hemant Shah
    Hemant Shah February 21, 2017

    we hear this song from the childhood. really we are always tempted to hear every now and then.
    Avinash vyas will be remembered for a rest of the generation

    hemant shah

  5. Suresh Chaudhary
    Suresh Chaudhary September 23, 2017

    બહુ સરસ .. તમારો હૃદયપૂર્વક ખુબ ખુબ આભાર.

Leave a Reply to Pragnaju Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.