ટહુકા દિવાલ પર

[Painting by Donald Zolan]

શંકા કરો નહીં તમે આંખોના હાલ પર,
જોયાં છે આવતાં ઘણાં આંસુને ગાલ પર.

શ્રદ્ધા જરૂરી હોય છે મંઝિલને પામવા,
ચાલી શકે ચરણ નહીં કેવળ ખયાલ પર.

નીપજે છે સાત સૂર જ્યાં, એની પિછાણ છે,
ધડકે છે એટલે હૃદય અદૃશ્ય તાલ પર.

ઈશ્વર ગણી હું કોઈને ત્યારે પૂજી શકું,
ટાંગી બતાવે એ મને ટહુકા દિવાલ પર.

વર્ષો વીત્યાં છતાં હજી ઝાંખી થતી નથી,
કેવી સુગંધ ચીતરી એણે રૂમાલ પર.

‘ચાતક’, કથાનો અંત શું સાચે સુખદ હશે ?
અટકી ગઈ છે વારતા, એવા સવાલ પર.

– © દક્ષેશ કોન્ટ્રાકટર ‘ચાતક’

COMMENTS (7)
Reply

ઈશ્વર ગણી હું કોઈને ત્યારે પૂજી શકું,
ટાંગી બતાવે એ મને ટહુકા દિવાલ પર.. ..ખૂબ મજાની અભિવ્યક્તિ..

આમ તો આખી ગઝલ ગમી

    Thank you Ashokbhai !

Reply

નખશિખ સુંદર ગઝલ.’ઇશ્વર,ને લગતો શે’ર વિશેષ મન ભાવ્યો.

    Thank you Kishorbhai !

Reply

Wahhh

Reply

Shri Daxeshji,
I am fan of your poetry and always reading the same.
– S I Pandya
Veraval (Gir Somnath) INDIA

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)