Press "Enter" to skip to content

વચ્ચે અટકવામાં

જગતની આંખ પર ચશ્મા થઈ ઊંધા લટકવામાં,
જીવન પૂરું થયું છે કૈંકનું અહીંયા ભટકવામાં.

સમયસર લક્ષ્ય સુધી પ્હોંચવાની હો મથામણ તો,
સમજદારી નથી હોતી કદી વચ્ચે અટકવામાં.

પ્રણયના કોલ તૂટે એટલે માયૂસ થઈ જાવું ?
અહીં તો શ્વાસ જેવા શ્વાસ પારવધા બટકવામાં.

સમય તો વીતતાં વીતી જશે પણ ઘાવ નહીં રુઝે,
કોઈની યાદ બાકી રાખશે ના કૈં ચટકવામાં.

જીવનની વારતાને કોણ રસથી વાંચતું ‘ચાતક’ ?
બધાનું ધ્યાન કેવળ છે અહીં જલ્દી છટકવામાં.

– © દક્ષેશ કોન્ટ્રાકટર ‘ચાતક’

6 Comments

  1. અશોક જાની 'આનંદ'
    અશોક જાની 'આનંદ' March 11, 2014

    પ્રણયના કોલ તૂટે એટલે માયૂસ થઈ જાવું ?
    અહીં તો શ્વાસ જેવા શ્વાસ પારવધા બટકવામાં…. ખુબ સુંદર અભિવ્યક્તિ, સરસ ગઝલ…!!

  2. Rina
    Rina March 12, 2014

    જીવનની વારતાને કોણ રસથી વાંચતું ‘ચાતક’ ?
    બધાનું ધ્યાન કેવળ છે અહીં જલ્દી છટકવામાં.

    Waaahhhhh

  3. વાહ દક્ષેશભાઇ,
    મત્લાનો ઉપાડ અને મક્તાસહિત આખેઆખી ગઝલ ગમી…
    બધાનું ધ્યાન કેવળ છે અહીં, જલ્દી છટકવામાં….વાહ!

  4. kishore modi
    kishore modi March 14, 2014

    નખશિખ સુંદર ગઝલ મક્તા ખૂબ ગમ્યો.

  5. Pravin Shah
    Pravin Shah March 18, 2014

    ખૂબ જ સુંદર મત્લાથી શરુઆત, બધા જ શેર સુંદર થયા છે.
    અભિનંદન, દક્ષેશભાઈ !

    અમારું ધ્યાન કેવળ છે અહીં કોમેન્ટ લખવામાં….

  6. Pancham Shukla
    Pancham Shukla March 18, 2014

    રમતિયાળ કાફિયાઓ પાસે ચોકસાઈ ભર્યું કામ કઢાવતી ગઝલ.

Leave a Reply to ડૉ.મહેશ રાવલ Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.