આજે અમિત ત્રિવેદી રચિત એક ગરબો. મીતિક્ષા.કોમના વાચકો માટે એને મોકલવા બદલ અમિતભાઈનો આભાર. અમિતભાઈની વેબસાઈટની મુલાકાત લેવાઅહીં જુઓ
*
સ્વર – ધ્વનિત જોશી
*
માણીગર મુરલીવાળો શ્યામ … ઓ શ્યામ… ઓ શ્યામ…
ગોપીઓના મનડે ઘૂમતો, રમતો લાગે છે અતિ સુંદર
રમતો લાગે છે અતિ સુંદર, છબીલો છેલછોગાળો શ્યામ
કુંજ ગલીમાં તું અટકી જાતો, ગોકુળિયે તું કેમ ન આવે ?
યમુનાજીએ તને મારગ દીધો, યાદ તને એ કેમ ન આવે ?
માણીગર મુરલીવાળો શ્યામ
કલરવની કેડીએ અમે તો એકલા, સુણીએ છીએ અમે તારા ધબકારા
મુરલીના સુરોના આછા અજવાળા, ચીંધે ગોપીઓને મારગ પરબારા
માણીગર મુરલીવાળો શ્યામ
ગોપીઓના મનડે ઘૂમતો, રમતો લાગે છે અતિ સુંદર
રમતો લાગે છે અતિ સુંદર, છબીલો છેલ છોગાળો શ્યામ
– અમિત ત્રિવેદી
સરસ ગરબો.
ખુબજ સરસ ગીતો છે.