શોધી બતાવ તું

મારી જ ધારણા, કરી ખોટી, બતાવ તું,
તૂટેલ તાંતણા ફરી જોડી બતાવ તું.

સપનાના દ્વારને હજુ સાંકળ જડી નથી,
આંખોના આસમાનમાં ઊડી બતાવ તું.

એકાદ આરઝૂ ભલે ઘાતક બની શકે,
એકાદ વારતા મને જીવી બતાવ તું.

તારા મિલનની આશમાં ખુદને ભૂલી ગયો,
હું કોણ છું, હવે મને પરખી બતાવ તું.

મારી તરસને ઠારવા તું શું કરી શકે ?
બે-ચાર ઝાંઝવા મને શોધી બતાવ તું.

‘ચાતક’ દરશની ઝંખના જેમાં ભરી પડી,
આંખોમાં એ તળાવને ખોદી બતાવ તું.

– © દક્ષેશ કોન્ટ્રાકટર ‘ચાતક’

COMMENTS (9)
Reply

સપનાના દ્વારને હજુ સાંકળ જડી નથી,
આંખોના આસમાનમાં ઊડી બતાવ તું.

beautiful…..

તારા મિલનની આશમાં ખુદને ભૂલી ગયો,
હું કોણ છું, હવે મને પરખી બતાવ તું…..વાહ ખુબ સુન્દર મજાની વાત પણ દરેકનુ પ્રમાણ, પુરાવો, સાબિતિ ને પારખા કેમ???

Reply

આ સરસ રચના છે. ખુબ જ સુન્દર.

Reply

એકાદ આરઝૂ ભલે ઘાતક બની શકે,
એકાદ વારતા મને જીવી બતાવ તું.
નખશિખ સુંદર ગઝલ.

મારી તરસને ઠારવા તું શું કરી શકે ?
બે-ચાર ઝાંઝવા મને શોધી બતાવ તું.
વાહ્

સરસ
ઝાંઝવા જળ સીંચશે એ આશ પર
રણમાં તૃષ્ણાએ કરી છે વાવણી –

એકાદ વારતા મને જીવી બતાવ તું….
saras ! Welcome back after long time !
badha sher sundar thaya chhe.
Abhinandan !

Reply

ઉલ્લેખનીય મક્તા સહિત આખી ગઝલ સુંદર થઇ છે.

ચોથા શે’રના સાનિ મિસરામાં ‘હવે’ શબ્દમાં છંદ ખોડંગાય છે, જોઇ લેવો…

એક એકથી ચડિયાતી રચનાઓ પહેલી વાર માણી…મને નિયમિત મળતી રહે તેવું કરશો ? મારું ને મારા બ્લૉગનું સરનામું આમ છે –

ઈ–મેઈલઃ ,
NET–ગુર્જરી: http://jjkishor.wordpress.com/

અશોકભાઈ,
આપની વાત સાચી છે. ચોથા શેરમાં -હવે- થી છંદ ખોડંગાય છે, પણ પઠનમાં કઠતું ન હોવાથી એ છુટ લીધેલી છે … આપના અભિપ્રાયો મળતા રહે એવી આશા છે.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)