Press "Enter" to skip to content

ગરીબ મા


[Painting : Amita Bhakta]

બાળક છે કુખમાં અને ચ્હેરો ઉદાસ છે,
આંખોમાં કેટકેટલાં સ્વપ્નોની લાશ છે.

કેવળ સુખોની કલ્પના જ્યોતિ ધરે નહીં,
હૈયું જલે છે એટલે ઘરમાં ઉજાસ છે.

વરસી શકી ન ચાંદની એના છજા ઉપર,
પૂનમની રાત આંગણે, ભીતર અમાસ છે.

કેવી વિવશ હશે જુઓ, પાવા કશું નથી,
બહાનું કરે છે એટલે, તૂટ્યો ગિલાસ છે.

આશાનો દોર સાંધવા કોશિશ કરી રહી,
જીવન વિશે કદાચ એ બેહદ નિરાશ છે.

‘ચાતક’ કઈ રીતે કહે દર્દોની દાસ્તાન,
જે પણ મળે છે એમને સુખની તલાશ છે.

– દક્ષેશ કોન્ટ્રાકટર ‘ચાતક’

11 Comments

  1. હૈયું જલે છે એટલે ઘરમાં ઉજાસ છે.

    બહોત અચ્છે દક્ષેશભાઈ…. સુન્દર કામ થયુઁ છે… ગઝલમાઁ સારી રીતે સફળ થયા છો…

  2. અશોક જાની 'આનંદ'
    અશોક જાની 'આનંદ' April 10, 2012

    વરસી શકી ન ચાંદની એના છજા ઉપર,
    પૂનમની રાત આંગણે, ભીતર અમાસ છે.

    કેવી વિવશ હશે જુઓ, પાવા કશું નથી,
    બહાનું કરે છે એટલે, તૂટ્યો ગિલાસ છે.

    ઉપરોક્ત માણવા લાયક શે’ર સહિત પુરી ગઝલ સુન્દર થઇ છે….!!

  3. Karasan Bhakta USA
    Karasan Bhakta USA April 10, 2012

    ગરીબ માની વ્યથાનું હૈયા વલોણું. સુન્દર રચના !!!

  4. Kishore Modi
    Kishore Modi April 10, 2012

    જીવન વિશે કદાચ એ બેહદ નિરાશ છે.
    સુંદર ગઝલ

  5. Himanshu Patel
    Himanshu Patel April 10, 2012

    દર્દની લાગણી સભર રજુઆત-એક સ્ત્રી, મા અને પત્નિના.

  6. Rekha Shukla (Chicago)
    Rekha Shukla (Chicago) April 10, 2012

    કેવળ સુખોની કલ્પના જ્યોતિ ધરે નહીં,
    હૈયું જલે છે એટલે ઘરમાં ઉજાસ છે….

    દક્ષેશભાઈ આપની આ ગઝલ કરુણ, ગરીબ ને વિવશ “મા” ને તાદ્રશ્ય કરાવી ગઈ ..!!

  7. Amita Bhakta
    Amita Bhakta April 16, 2012

    Your words are more powerful in creating the images of the helplessness of destitute stircken mother then my painting. Thank you for posting my paintings with your gazal.

  8. Ghanshyam
    Ghanshyam May 14, 2012

    દક્ષેશભાઈ ,
    સુન્દર રચના
    કેવળ સુખોની કલ્પના જ્યોતિ ધરે નહીં,
    હૈયું જલે છે એટલે ઘરમાં ઉજાસ છે.

  9. કેવળ સુખોની કલ્પના જ્યોતિ ધરે નહીં,
    હૈયું જલે છે એટલે ઘરમાં ઉજાસ છે.

    ભાઈ દક્ષેશ તમારી અંદરથી આવા શબ્દો ક્યાંથી આવે છે?
    કારણ કે આ પરીસ્થિતિ તો જે માં એ અનુભવી હોય તે જ જાણે.

  10. Jinal
    Jinal May 24, 2012

    હૈયું જલે છે એટલે ઘરમાં ઉજાસ છે..ખુબ જ સરસ …..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.