Press "Enter" to skip to content

એકાદ જણ આવી મળે

ડૂબતી સાંજે સમયનું આવરણ આવી મળે.
ક્યાંકથી ખોવાયલું એકાદ જણ આવી મળે.

રિક્તતા અહેસાસ થઈ જ્યાં સાથ સદીઓથી ધરે,
એ શહેરમાં શક્યતાઓનું ઝરણ આવી મળે.

શબ્દનું સંધાન કરવાની કરું શરૂઆત ત્યાં,
સાવ ઓચીંતુ કલમ પર અવતરણ આવી મળે.

ભૂલવાનું સ્હેલ હોતે, તો તને ભૂલી જતે,
હર કદમ વીતેલ પળનું સંસ્મરણ આવી મળે.

જિંદગી લાંબી સડક, ને પ્હોંચવાનું મંઝિલે,
પંથને અજવાળતું કોઈ ચરણ આવી મળે.

લડખડે જ્યારે કદમ, એંધાણ એના વાજબી,
ચાતરી, પહેલાં જ પગલામાં મરણ આવી મળે !

રણમહીં તરસ્યાં થવાનું સુખ હવે ‘ચાતક’ નથી,
રોજ મૃગજળને લઈ કોઈ હરણ આવી મળે.

– દક્ષેશ કોન્ટ્રાકટર ‘ચાતક’

12 Comments

  1. Himanshu Patel
    Himanshu Patel January 12, 2011

    શબ્દનું સંધાન કરવાની કરું શરૂઆત ત્યાં,
    સાવ ઓચીંતુ કલમ પર અવતરણ આવી મળે.
    વાહ ગમી ગઈ આ વાત, સર્જનની મ્હેક આ શેરમાં મળી..

  2. Pancham Shukla
    Pancham Shukla January 12, 2011

    બધા જ શેર આસ્વાદ્ય. સરસ ગઝલ.

  3. શબ્દનું સંધાન કરવાની કરું શરૂઆત ત્યાં,
    સાવ ઓચીંતુ કલમ પર અવતરણ આવી મળે……સરસ!

  4. Pragnaju
    Pragnaju January 13, 2011

    ભૂલવાનું સ્હેલ હોતે, તો તને ભૂલી જતે,
    હર કદમ વીતેલ પળનું સંસ્મરણ આવી મળે.

    જિંદગી લાંબી સડક, ને પ્હોંચવાનું મંઝિલે,
    પંથને અજવાળતું કોઈ ચરણ આવી મળે.
    સ રસ
    હરફ ના કરે એક એવા ખુદ સાથે હિંચકવાની મજા ક્યાં છે?

    ખુદમાં સરકવાની મજા જે કરે , ખુદા ખુદ આવી તેને મળે છે.

  5. P Shah
    P Shah January 14, 2011

    ક્યાંકથી ખોવાયલું એકાદ જણ આવી મળે…..

    ખૂબ જ સુંદર રચના !
    એક એક શેર આસ્વાદ્ય !
    અભિનંદન !

  6. Narendra Jagtap
    Narendra Jagtap January 14, 2011

    ભૂલવાનું સ્હેલ હોતે, તો તને ભૂલી જતે,
    હર કદમ વીતેલ પળનું સંસ્મરણ આવી મળે.

    સુંદર મઝાની ગઝલ…. બધા જ શેર સરસ… ઉપરનો શેર મને વધુ ગમ્યો….

  7. Raju Yatri
    Raju Yatri January 14, 2011

    ચાતકે, “ચાતક” થઈને, તરસ અને મૃગજળને આ ગઝલમાં “અમૃત” બનાવી દીધા!

  8. વાહ દક્ષેશભાઈ,
    સરસ ગઝલ.
    રદિફ પણ અવકાશથી ભરપૂર આવ્યો છે.
    -અભિનંદન.

  9. Kirtikant Purohit
    Kirtikant Purohit January 15, 2011

    Very nice gazal. Wahhhh..!

  10. Hardik Jani
    Hardik Jani February 24, 2011

    શબ્દનું સંધાન કરવાની કરું શરૂઆત ત્યાં,
    સાવ ઓચીંતુ કલમ પર અવતરણ આવી મળે……સરસ!

  11. Dinkar Bhatt
    Dinkar Bhatt March 20, 2011

    તમે શબ્દોના ધની છો, ભાવનાઓનો વરસાદ શબ્દોની સુગંધ લઇને વર્ષે છે. તમારી દરેક રચનાઓ માણું છું, જીવંત ક્ષણોનો અનુભવ થાય છે.

  12. Kanchankumari P Parmar
    Kanchankumari P Parmar April 7, 2011

    શબ્દોની જાળમાં એવો ફસાયો છું કે ભુલો પડેલો કોઈ પારધિ મળે ………

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.