શ્હેરમાં ભીની ગલી ને ગામડે વરસાદ છે,
આગમનની શક્યતાનો બારણે વરસાદ છે.
એ હશે કેવી મિલનની તાજગી વરસો જૂની,
એક છાંટો થાય ને મન સાંભરે, વરસાદ છે.
જૂઈની વેલી સમી કન્યા વળાવી તે સમે,
ભર ઉનાળે એમ લાગ્યું, માંડવે વરસાદ છે.
એક-બે આંસુ છુપાવી ના શક્યા વાદળ જરી,
હર્ષથી બોલી ઉઠ્યા સૌ, ‘આવ રે વરસાદ’ છે.
રેતના દરિયા ઉલેચીને છુપાઈ લાગણી,
શી ખબર એને બધાની ભીતરે વરસાદ છે.
તગતગે એની સ્મૃતિ ‘ચાતક’ હજીયે આંખમાં,
લોક છો કહેતા ફરે કે આંગણે વરસાદ છે.
– દક્ષેશ કોન્ટ્રાકટર ‘ચાતક’
ભર ઉનાળે ખીલી વસંત….તમારું આગમન તો એક બહાનું છે.
ભર ઉનાળે એમ લાગ્યું, માંડવે વરસાદ છે….
સુંદર લાગણી સભર રચના !
બધા જ શેર આસ્વાદ્ય થયા છે.
ખાસ અભિનંદન !
વરસાદના રૂપકનો સુંદર ઉપયોગ. સરસ ભાવવાહિ રચના. આંખોમાં આંસુનો વરસાદ લાવી દે એવો આ શેર કન્યાવિદાયનો સમય યાદ અપાવી જાય છે.
જૂઈની વેલી સમી કન્યા વળાવી તે સમે,
ભર ઉનાળે એમ લાગ્યું, માંડવે વરસાદ છે.
સુંદર ભીંજવે એવી વરસાદી ગઝલ!
સુધીર પટેલ.
જૂઈની વેલી સમી કન્યા વળાવી તે સમે,
ભર ઉનાળે એમ લાગ્યું, માંડવે વરસાદ છે….. અદભૂત રચના… અભિનંદન
ખુબ જ સરસ મઝાની ગઝલ… ઉપરનો શેર મને વધુ ગમ્યો…..સરસ ગૂંથણી કરી છે… અને તે પણ મઝાના રદીફ સાથે…..અભિનંદન
સુંદર ગઝલ….
વાહ!
ત્રીજા શેર માટે અલગથી ખાસ અભિનંદન.
આખીયે ગઝલ લાગણીથી તરબતર છે અને દરેક શેર એનો પડઘો લૈ આવે છે. ખરેખર અદભૂત રચના.
શ્હેરમાં ભીની ગલી ને ગામડે વરસાદ છે,
આગમનની શક્યતાનો બારણે વરસાદ છે.
એ હશે કેવી મિલનની તાજગી વરસો જૂની,
એક છાંટો થાય ને મન સાંભરે, વરસાદ છે.
વા હ્
ગની ચાચાની યાદ આવી
તમારાં અહીં આજ પગલાં થવાનાં,
ચમનમાં બધાંને ખબર થૈ ગઈ છે.
ઝુકાવી છે ગરદન બધી ડાળીઓએ,
ફૂલોની ય નીચી નજર થૈ ગઈ છે.
શરમનો કરી ડોળ સઘળું જુએ છે
કળી પાંદડીઓના પડદે રહીને,
વાહ ભાઈ! આ તો જેને ભીતરે વરસાદ હોય તે જ લખી શકે……
“રેતના દરિયા ઉલેચીને છુપાઈ લાગણી,
શી ખબર એને બધાની ભીતરે વરસાદ છે.”
બહોત ખૂબ!