રાતદિ માળા ફરે છે,
તોય ક્યાં દા’ડા ફરે છે !
મારાથી છૂટ્ટાં પડીને,
મારા પડછાયા ફરે છે !
શહેરને જીવાડવાને,
ગામમાં ગાડાં ફરે છે.
સૂર્યને જોવા સળગતો,
કૈંક ગરમાળા ફરે છે !
લાગણીનાં ચીર પૂરી,
આંસુ ઉઘાડા ફરે છે !
આંખની રૈયત ઉજડવા,
સ્વપ્નનાં ધાડાં ફરે છે.
પ્રેમ અહીંયા જોખમી છે,
સ્પર્શ નખવાળા ફરે છે.
સાબદા રહેજો ચરણ કે,
માર્ગ કાંટાળા ફરે છે.
શ્વાસની ‘ચાતક’ રમત આ,
હર ક્ષણે પાસાં ફરે છે.
– © દક્ષેશ કોન્ટ્રાકટર ‘ચાતક’
વાહ!
આંખની રૈયત ઉજડવા,
સ્વપ્નનાં ધાડાં ફરે છે.
રાકેશભાઈ, આપનો આભાર.
મારાથી છૂટ્ટાં પડીને,
મારા પડછાયા ફરે છે !.. વાહ કવિ !!
Wow!! juss classsic!!! ekek sher umda , Waah Kavi waah 🙂
લાગણીનાં ચીર પૂરી,
આંસુ ઉઘાડા ફરે છે !
wow so touchy !!