[Painting by Donald Zolan]
આંખોને ઇંતજારના કાગળ ન મોકલાવ,
ભીની થયેલ રાતમાં કાજળ ન મોકલાવ.
તારા ગયા પછી અહીં દાવાનળો ફકત,
એને બૂઝાવવા તું ઝાકળ ન મોકલાવ.
તારા સ્મરણની કેદથી આઝાદ કર હવે,
ઊડી શકે ન એમને સાંકળ ન મોકલાવ.
ખોટી તો ખોટી ધારણા જીવી જશું અમે,
તું ઝાંઝવાના શ્હેરમાં વાદળ ન મોકલાવ.
તારા વિરહના શહેરમાં રસ્તાઓ આંધળા,
પગલાં ચરણથી એટલે આગળ ન મોકલાવ.
લોહીલુહાણ સાંજને ‘ચાતક’ જીવી જશે,
તારા સ્મરણના સૈન્યને પાછળ ન મોકલાવ.
– દક્ષેશ કોન્ટ્રાકટર ‘ચાતક’
આખી ગઝલ ગમી જાય એવી
Thank you
બહુ સરસ !
ખોટી તો ખોટી ધારણા જીવી જશું અમે,
તું ઝાંઝવાના શ્હેરમાં વાદળ ન મોકલાવ.
Thank you
સાંગોપાંગ સંધેડા ઉતાર ગઝલ.
મક્તા તો વાહ ભઈ, કાબિલેદાદ….
આપની દાદ સર-આંખો પર .. 🙂
તારા વિરહના શહેરમાં રસ્તાઓ આંધળા,
પગલાં ચરણથી એટલે આગળ ન મોકલાવ…. વાહ .. ખૂબ અર્થપૂર્ણ !!
આખી ગઝલ ગમી જાય એવી
આભાર ..
તારા સ્મરણ ની કેદ થી આઝાદ કર હવે
ઉડી સકે ન એમને સાંકળ ન મોકલાવ
બહુ સરસ.
Thank you