Press "Enter" to skip to content

કવિની વેદના


(તસવીર – રોહતાંગ પાસ જતાં, હિમાચલ પ્રદેશ, 2010)

સૌ વાચકોને સ્વાતંત્ર્યદિન મુબારક હો… જયહિન્દ.

ભર બપોરે ચાંદની કરવી પડે,
મૃગજળોમાં વાવણી કરવી પડે.

કોઈના દુઃખદર્દ છાનાં રાખવા,
જાત સામે આંગળી કરવી પડે.

આદમીના રૂપમાં પત્થર મળે,
ભીંત પાસે માંગણી કરવી પડે.

દૂધના નામે વહે છે રક્ત જ્યાં,
ત્યાં જ ગાયો ધાવણી કરવી પડે.

શ્રાપ નીકળે જેમના કરતૂત પર,
ત્યાં દુઆઓ, સાંભળી કરવી પડે.

લૈ બટ્કણાં શ્વાસનાં બે દોરડાં,
યુગયુગોની બાંધણી કરવી પડે.

એ જ છે ‘ચાતક’ કવિની વેદના,
સાવ અમથી લાગણી કરવી પડે.

– દક્ષેશ કોન્ટ્રાકટર ‘ચાતક’

14 Comments

  1. Himanshu Patel
    Himanshu Patel August 16, 2011

    એ જ છે ‘ચાતક’ કવિની વેદના,
    સાવ અમથી લાગણી કરવી પડે
    કાવ્યની અને કવિની વેદનાનું સોનેરી સત્ય છે આ શેર, આબાદ પકડ્યું છે.

  2. અશોક જાની 'આનંદ'
    અશોક જાની 'આનંદ' August 16, 2011

    આદમીના રૂપમાં પત્થર મળે,
    ભીંત પાસે માંગણી કરવી પડે.

    ખુબ સુંદર.. મજબૂરી શું શું ન કરાવે..?!! આખી ગઝલ માણવા લાયક

  3. Dilip
    Dilip August 16, 2011

    એ જ છે ‘ચાતક’ કવિની વેદના,
    સાવ અમથી લાગણી કરવી પડે.
    ખુબ જ સુંદર ગઝલ અને મક્તા પણ..

  4. P Shah
    P Shah August 16, 2011

    જાત સામે આંગળી કરવી પડે…
    સુંદર વાત ! બધા જ શેર સરસ થયા છે.
    મક્તાનો શેર તો લાજવાબ થયો છે. અને
    તેને લીધે આખી ગઝલ માણવા લાયક થઈ છે.

  5. Pancham Shukla
    Pancham Shukla August 16, 2011

    એ જ છે ‘ચાતક’ કવિની વેદના,
    સાવ અમથી લાગણી કરવી પડે.

    વાહ.

  6. Kishore Modi
    Kishore Modi August 16, 2011

    સુંદર ગઝલ.

  7. Saryu Parikh
    Saryu Parikh August 16, 2011

    પહેલી બે લીટીંમાં જ, વાહ! કહી દીધું. બહુ સરસ.
    સરયૂ પરીખ

  8. Manvant Patel
    Manvant Patel August 16, 2011

    સાવ અમથી લાગણી કરવી પડે ! તો કર્યા જ કરવાની.

  9. સરસ ગઝલ બની છે દક્ષેશભાઈ….
    એક નમ્ર સૂચનઃ
    બટકણાં અહીં બટ ક ણાં ગણીને ગાલગા લેવાયું છે પણ બ ટક ણાં – એમ લગાગા થશે
    મારી દ્રષ્ટીએ, લૈ બટકણાં શ્વાસનાં બે દોરડા-એમ કરીએ તો વધુ યોગ્ય ગણાશે. વિચારી જોજો.
    સુંદર ગઝલ બદલ અભિનંદન.

  10. Daxesh Contractor
    Daxesh Contractor August 16, 2011

    મહેશભાઈ,
    આપનું સુચન સર-આંખો પર. સુધારો કરી લીધો છે. એમ કરવાથી ક્લિષ્ટતા પણ દૂર થઈ. પઠન કરતાં મને પણ ખટકતું હતું. સૂચન અને પ્રતિભાવ બદલ આભાર.

  11. Devika Dhruva
    Devika Dhruva August 16, 2011

    સાદ્યાન્ત સુંદર ગઝલ.

  12. Sudhir Patel
    Sudhir Patel August 17, 2011

    ખૂબ સુંદર ગઝલ !
    સુધીર પટેલ.

  13. Kirtikant Purohit
    Kirtikant Purohit August 17, 2011

    અશક્યતાઓમાં શ્ક્ય શોધે અને દુઃખી થાય તે કવિ. સરસ રચના.

  14. Narendra Jagtap
    Narendra Jagtap August 20, 2011

    કોઈના દુઃખદર્દ છાનાં રાખવા,
    જાત સામે આંગળી કરવી પડે…

    સરસ ગઝલ બધા જ શેર માણવા લાયક….

Leave a Reply to Pancham Shukla Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.