Press "Enter" to skip to content

દિલાસો થઈ શકે


[Photo by Donald Zolan]
*
ઈંટ-રેતીમાં બબાલો થઈ શકે,
ભીંતમાં એથી તિરાડો થઈ શકે.

પ્રેમ ને આબોહવામાં સામ્યતા,
બેયમાં જળથી મૂંઝારો થઈ શકે.

જો ઉદાસી છત ઉપર ટહુકા કરે,
બંધ બારીથી સવાલો થઈ શકે.

એ અખતરાથી થશે સાબિત કે,
પ્રેમ ઈર્ષ્યાથી સવાયો થઈ શકે.

રાતદિ પડછાયા જેવો લાગતો,
દોસ્ત પીડાથી પરાયો થઈ શકે.

સાંજ કેવળ એક ઘર આ વિશ્વમાં
સૂર્યથી જ્યાં રાતવાસો થઈ શકે.

હું લખું છું એટલે ‘ચાતક’ ગઝલ,
કોઈને માટે દિલાસો થઈ શકે.

– © દક્ષેશ કોન્ટ્રાકટર ‘ચાતક’

4 Comments

  1. Kishore modi
    Kishore modi October 4, 2019

    સુંદર ગઝલ ચોથો શે’ર નવીન દમદાર

    • admin
      admin October 4, 2019

      Thank you Kishorbhai

  2. Sharad Mehta
    Sharad Mehta December 21, 2019

    આપની રચના ખરેખર ખુબ સુંદર છે પરંતુ એક કવી તરીકે આપનો “બબાલો” શબ્દ પ્રયોગ (કે જે ગુજરાતી શબ્દકોષ માં જ નથી) રુચિકર નથી લાગતો, હમાણાં થોડા સમય પહેલાં અખબાર માં વાંચ્યુ હતું કે ગુજરાતમાં ૯૦% ગુજરાતીઓ ગુજરાતી ભાષામાં નબળા છે કે તેમને શુધ ગુજરાતી બોલતા કે લખતાં નથી આવડતું, અને તેથી ગુજરાતી કવીઓ અને લેખકોની ખાસ ફરજ બને છે કે તેઓ ભાષા શુ્ધીકરણ પ્રત્યે સજાગ રહે

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.