દિવસ વીત્યા પછીથી જેવી રીતે રાત આવે છે,
વ્યથા ચાલી ગઈ કિન્તુ વ્યથાની યાદ આવે છે.
ઘણા આંસુને અંગત રીતે મળવાનું થયું મારે,
પછી જાણ્યું કે એ લઈને ઘણી ફરિયાદ આવે છે.
એ કંકુપગલે આવે એકલી તો હું વધાવી લઉં,
આ ઢળતી સાંજ, સ્મરણોની લઈ બારાત આવે છે.
અભાગી શબ્દને મળતું નથી નેપથ્ય હોઠોનું,
સુભાગી શબ્દ ભાગે મૌનની રજૂઆત આવે છે.
ગઝલની આંગળી પકડીને ચાલો બે કદમ ‘ચાતક’,
પછી જુઓ, તમારી ચાલમાં શું વાત આવે છે !
– © દક્ષેશ કોન્ટ્રાકટર ‘ચાતક’
વાહ! બેમિસાલ છે મૌનની રજુઆત! ને લાજવાબ છે આ સુભાગી શબ્દો પણ….વાહહહ…….!
Thank you for your appreciation.
ઘણા આંસુને અંગત રીતે મળવાનું થયું મારે,
પછી જાણ્યું કે એ લઈને ઘણી ફરિયાદ આવે છે…. વાહ… કવિ..
ખૂબ સુંદર ગઝલ
આભાર કવિ.
Nice one.
Thank you Kishorbhai
સરસ ગઝલ છે દક્ષેશભાઈ, પણ પહેલા શેરમાં છંદ જોઈ લેવા વિનંતી છે.
અનિલભાઈ, ઉલા મિસરામાં ટાઈપો હતો જે સુધારીને વાંચવા વિનંતી. તમે ધ્યાન પર લાવ્યું એ બદલ આભાર.
ખુબ્બ્બ્બ્બજ સુંદરરરર
Excellent sir, superb
ગુજરાતી ભાષાનું સાહિત્ય વાંચીએ એટલે નશીલા પદાર્થ ની જેમ કેફ આપવા લાગે અને એમાય આવી ગઝલો તો કાયા માં રહેલા રૂંવે રુવ ને બેઠા કરી જાય, એમાય
” એ કંકુપગલે આવે એકલી તો હું વધાવી લઉં,
આ ઢળતી સાંજ, સ્મરણોની લઈ બારાત આવે છે.”
શું રજૂઆત કરી છે… અદભુત!!!!!
Thank you so much for your appreciation.