અંગ્રેજ થોડા હોય છે ?

વસવસા આ જિંદગીના સ્હેજ થોડા હોય છે ?
વેદનાના દોસ્ત, દસ્તાવેજ થોડા હોય છે ?

લાગણી માઝા મૂકે ત્યારે જ નીકળે આંસુઓ,
આંખના ખૂણે હમેશા ભેજ થોડા હોય છે ?

પ્રેમ તો પહેલી નજરમાં પાંગરેલી વારતા,
પ્રેમની પ્રસ્તાવનાના પેજ થોડા હોય છે ?

પ્રેમમાં ખોટા પડે છે દોસ્ત, બધ્ધાયે ગણિત
એક વત્તા એક કાયમ બે જ થોડા હોય છે ?

હર્ષથી કોઈ લગાવે ગાલ પર ચપટી ગુલાલ,
રંગ કરનારા બધા રંગરેજ થોડા હોય છે ?

સોરી કહેવાથીય માફી ના મળે એવું બને,
માફ કરનારા બધા અંગ્રેજ થોડા હોય છે ?

પ્રેમમાં ‘ચાતક’ બીડેલા હોઠ કહી દે છે ઘણું,
હર ખુલાસા સનસનાટીખેજ થોડા હોય છે ?

– © દક્ષેશ કોન્ટ્રાકટર ‘ચાતક’

****

પ્રેરણા – ઉદયનભાઈનું આ મુક્તક

ક્યારે, કઈ રીતે, ને એમાં વાંક કોનો? શું કહું?
વાતેવાતે એમ દસ્તાવેજ થોડા હોય છે ?
પાંપણો ઝુકાવી મન, હળવેકથી, પાછું વળ્યું
સર્વ કિસ્સા સનસનાટીખેજ થોડા હોય છે ?
ઉદયન ઠક્કર

 

COMMENTS (22)
Reply

Wah !
પ્રેમમાં ખોટા પડે છે દોસ્ત, બધ્ધાયે ગણિત
એક વત્તા એક કાયમ બે જ થોડા હોય છે ?

    Thank You Rakeshbhai.

Reply

Waaahhhhhh

Reply

shu lakhu ? ZAKAS 🙂 Always nice lakho cho aap !! God bless Daxeshbhai 🙂

    Thank you Rekhaben ..:)

Reply

ખુબ સુંદર વાત..
પ્રેમમાં ખોટા પડે છે દોસ્ત, બધ્ધાયે ગણિત
એક વત્તા એક કાયમ બે જ થોડા હોય છે ? … હમેશા પ્રેરણાદાયી વાતો લખનારા આ ચાતકને ખુબ ખુબ અભિનંદન..

Reply

સાદ્યન્ત સુંદર ગઝલ…

લગ્નની ચોરીમાં એકમેકના હાથ મળ્યાં,
લો,ગણિતના દાખલા સૌ ખોટા પડ્યાં !
એક વત્તા એક બરાબર બે નહિ,
જીવનમાં તો એક જ, રોજના પાઠ મળ્યાં….

    Thank you Devikaben.

Reply

Vate vate sorry kahi devanu sorry bahu sastu thai gayu chhe,
Sorry kahine bhayankar bhool chhupavavanu bahu sahelu thai gayu chhe.

    sad but true … 🙁

Reply

પ્રેમમાં ખોટા પડે છે દોસ્ત, બધ્ધાયે ગણિત
એક વત્તા એક કાયમ બે જ થોડા હોય છે ?.. વાહ..!!

ખૂબ સુંદર ગઝલ.. !!

    Thank You Ashokbhai

Reply

वधु अेक नवीन रचना बहु गमी कुशल हशो

    Thank you Kishorbhai

Reply

વાહ દક્ષેશભાઈ

    Thank you Anilbhai

Reply

nice one

Reply

વાહ ચાતક વાહ

Reply

વાહ. આનંદ આવ્યો.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)