કારણ પૂછો નહીં

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


(ગણગણાટ – ચાતક)

કોઈને ચાહવાના કારણ પૂછો નહીં,
આંસુને આવવાના કારણ પૂછો નહીં.

પ્રકરણ લખેલ પ્રેમનાં દિલની કિતાબમાં,
ભૂંસીને વાંચવાના કારણ પૂછો નહીં.

એના મિલનની ઝંખના મૃગજળ બની હશે,
રણને તરી જવાના કારણ પૂછો નહીં.

સપનાંની લાશને તમે ઉંચકીને જોઈ લો,
જીવનથી થાકવાનાં કારણ પૂછો નહીં.

પીડાઓ વાંઝણી કદી મળતી નથી અહીં,
આંખોથી વરસવાના કારણ પૂછો નહીં.

મંઝિલ મળી ગયા પછી રસ્તો ભૂલાય ના,
પૂછીને ચાલવાના કારણ પૂછો નહીં.

કોઈના ઈંતજારમાં કેવી મજા હતી,
‘ચાતક’ થઈ જવાના કારણ પૂછો નહીં.

– દક્ષેશ કોન્ટ્રાકટર ‘ચાતક’

COMMENTS (10)
Reply

તમારી ગઝલોમાં વજન દિવસો-દિવસ વધતું જાય છે… ખુબ મજા આવી…

Reply

આ ગઝલનો મક્તા ખુબ સહેજ અને ચોટદાર છે…

સપનાંની લાશને તમે ઉંચકીને જોઈ લો,
જીવનથી થાકવાનાં કારણ પૂછો નહીં.

ક્યા બાત હૈ….

બધા જ શેર આસ્વાદ્ય લાગ્યા. સરસ ગઝલ.

ચોટદાર…હ્રદયસ્પર્શી…મસ્ત….અફલાતુન…દક્ષેશી ગઝલ…!

મહેશભાઈ,
આ – દક્ષેશી ગઝલ – નવા વિશેષણ બદલ આભાર ..

સાહિર લુધિયાનવી સાહેબની સદાબહાર રચના – મિલતી હૈ જિન્દગી મેં મુહોબ્બત કભી કભી – http://www.youtube.com/watch?v=j1oOoF-e6qo … એ સાંભળતા આ ગઝલ લખાયેલ. એ જ ઢાળમાં એને મનોમન ગણગણવાની મજા પડશે ..

સરસ,
સપનાની લાશ ને તમે ઉંચકીને જોઇ લો,
પીડાઓ વાંઝણી કદી મળતી નથી અહીં.
સરસ.

Reply

ખુબસુરત ગઝલ …!!
એના મિલનની ઝંખના મૃગજળ બની હશે,
રણને તરી જવાના કારણ પૂછો નહીં.
પીડાઓ વાંઝણી કદી મળતી નથી અહીં,
આંખોથી વરસવાના કારણ પૂછો નહીં.

અંતરથી ઘુંટાય શબ્દો નીકળે દક્ષેશના,
આવું સરસ કેમ લખાય છે, કારણ પૂછો નહી.

ખુબ જ સુંદર…….દિલ સે..નિકલ કર દિલ કો છુ ગઈ.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)