લાગ શોધે છે

ચાંદનીમાં ચાંદ કેરા દાગ શોધે છે !
રાખમાં એ આગના સુરાગ શોધે છે !

મદભરી મોસમ મળેલી માણવા માટે,
કોયલોની કૂક-માં એ રાગ શોધે છે !

જર-જમી-ઝેવર સુધી તો ઠીક છે, કિન્તુ
એ તો ‘મા’ની ગોદમાંયે ભાગ શોધે છે !

માતપિતાને રડાવી જિંદગી આખી,
શ્રાધ્ધના દિને પછીથી કાગ શોધે છે !

બે ઘડી નિરાંતની માણી નથી શકતો
જંગલોમાં, એ જઈને સાગ શોધે છે !

કોણ કરશે તૃપ્ત એની ઝંખના ‘ચાતક’,
કોયલામાં જે હીરાની ઝાગ શોધે છે !

રાહ જોવાનું મુકદ્દરમાં લખ્યું ‘ચાતક’,
કેમ રણથી ભાગવાના લાગ શોધે છે !

– દક્ષેશ કોન્ટ્રાકટર ‘ચાતક’

COMMENTS (10)

આપણી તકવાદી કે પલાયન વૃત્તીને વાચા આપતી સરસ ગઝલ વાંચવા મળી,આ વધારે ગમ્યું-
માતપિતાને રડાવી જિંદગી આખી,
શ્રાધ્ધના દિને પછીથી કાગ શોધે છે.
……કેટલી સરળતાથી સંબંધોને વક્રતામા વણી આપ્યા છે.
ગમી ગઝલ અને તેનો સૂર.

Reply

જર-જમી-ઝેવર સુધી તો ઠીક છે, કિન્તુ
એ તો ‘મા’ની ગોદમાંયે ભાગ શોધે છે !

માતપિતાને રડાવી જિંદગી આખી,
શ્રાધ્ધના દિને પછીથી કાગ શોધે છે ! વાહ..કવિ..!!
આમ તો આખી ગઝલ સુન્દર પણ ઉપરના વધુ ચોટદાર લાગ્યા..

રાખમાં એ આગના સુરાગ શોધે છે !…

સરસ !

જર-જમી-ઝેવર સુધી તો ઠીક છે, કિન્તુ
એ તો ‘મા’ની ગોદમાંયે ભાગ શોધે છે !

માતપિતાને રડાવી જિંદગી આખી,
શ્રાધ્ધના દિને પછીથી કાગ શોધે છે !…..ખુબ જ સરસ મઝાની ગઝલ દક્ષેશભાઇ…

Reply

માનવીની વર્તમાન વૃત્તિ. વ્યવહાર અને વર્તનને વાચા આપતી રચના.
…માની ગોદમાયે ભાગ શોધે છે અને…શ્રાધ્ધના દિને કાગ શોધે છે.
વાહ ! વાહ ! ખુબ જ સુન્દર ! ! !

Reply

નવી રદીફ-કાફિયામાં એક વધુ સુંદર ગઝલ.

સામાન્ય વ્યક્તીઓની પલાયનવૃતિની સુંદર અભિવ્યક્તી
સ રસ ગઝલનો આ શેર વધુ ગમ્યો
મદભરી મોસમ મળેલી માણવા માટે,
કોયલોની કૂક-માં એ રાગ શોધે છે !
યાદ
કોયલ ઉડી રે ગઈ ને પગલાં પડી રે રહ્યાં
સુના સરવર ને સૂનુ આમ્બલિયું
એના પાંદડે પાંદડા રડી રે રહ્યાં

આયખું વેઠીને પાન પીળું રે થયું
માડીની આંખોમાં આન્સુ ના રહ્યું
વનનુ પિયરીયું સૂનુ રે પડ્યું
એના ટહુકા હવે ના જડી રે રહ્યાં

ઉપર લખેલું પ્રગ્નાજુનું ગીત ખુબ અસરકારક છે.

Reply

બે મક્તા વાળી સુંદર ગઝલ!
સુધીર પટેલ.

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)