Press "Enter" to skip to content

બારણાં એથી અમસ્તા વાખીએ

કેટલી ક્ષણને સદીમાં રાખીએ,
ચાલ ડહાપણને નદીમાં નાખીએ.

આજ જોષીનો દિવસ કેવો જશે,
હસ્તરેખામાં ફરીથી ઝાંખીએ.

સાંજ પડતાં સૂર્ય પણ થાકી જશે,
ચાલ દીપકમાં વિસામો રાખીએ.

ધૈર્યનો અંજામ કેવો, જાણવા,
બોર શબરીના જઈને ચાખીએ.

આગમનની શક્યતા ‘ચાતક’ હજી,
બારણાં એથી અમસ્તા વાખીએ.

– દક્ષેશ કોન્ટ્રાકટર ‘ચાતક’

3 Comments

  1. Ami
    Ami December 21, 2011

    આજ જોષીનો દિવસ કેવો જશે,
    હસ્તરેખામાં ફરીથી ઝાંખીએ.

    સાંજ પડતાં સૂર્ય પણ થાકી જશે,
    ચાલ દીપકમાં વિસામો રાખીએ.

    ધૈર્યનો અંજામ કેવો, જાણવા,
    બોર શબરીના જઈને ચાખીએ.
    સરસ રચના.

  2. P Shah
    P Shah December 24, 2011

    ખૂબ જ સુંદર ગઝલ થઈ છે દક્ષેશભાઈ !
    સવાર-સાંજ-… ઘણું બધું સુધરી ગયું.
    લાજવાબ મત્લા અને મક્તા !
    ધૈર્યનો અંજામ કેવો, જાણવા,
    બોર શબરીના જઈને ચાખીએ… આ શેર ખૂબ ગમ્યો.
    અભિનંદન !

  3. Sudhir Patel
    Sudhir Patel December 26, 2011

    સુંદર ગઝલના મત્લા અને મક્તા માણવાની મજા આવી!
    સુધીર પટેલ.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.