Press "Enter" to skip to content

સાવ સસ્તો હોય છે

હાથતાળીને સમજતો હોય છે,
બંધનોમાં તોય ફસતો હોય છે.

આત્મઘાતી આદમી પણ આખરે,
જિંદગી બીજી તલસતો હોય છે.

ઢાઈ અક્ષરમાં સમાવે છે કવિ,
પ્રેમ તો અનહદ વરસતો હોય છે.

ધોધમાં નાહ્યા પછી પણ માનવી
પ્રેમની બુંદો તરસતો હોય છે

એ હશે છોડી જવાની વેદના,
મોતનો ભય તો અમસ્તો હોય છે.

મોકળા મનથી રડી લેનારનો,
એક ચ્હેરો ખૂબ હસતો હોય છે.

દોસ્ત, મોંઘા મોલની ઈન્સાનિયત,
આદમી તો સાવ સસ્તો હોય છે.

કોઈના હૈયા સુધી પ્હોંચી જવા,
આંખ ચાતક સ્હેલ રસ્તો હોય છે.

– દક્ષેશ કોન્ટ્રાકટર ‘ચાતક’

14 Comments

  1. Pancham Shukla
    Pancham Shukla July 15, 2011

    સરસ ગઝલ. બધા જ શેર આસ્વાદ્ય લાગ્યા.

  2. Himanshu Patel
    Himanshu Patel July 16, 2011

    સરસ ગઝલ એમાં આ વધારે ગમ્યું
    એ હશે છોડી જવાની વેદના,
    મોતનો ભય તો અમસ્તો હોય છે.

  3. મોંઘા મોલની ઈન્સાનિયત….વાહ દક્ષેશભાઈ!
    આદમી તો સાવ સસ્તો હોય છે…સંવેદનાઓથી ભરી સરસ વાત લાવ્યા…
    -અભિનંદન.

  4. Dilip
    Dilip July 16, 2011

    ખુબ સુન્દર ગઝલ …દક્ષેશભાઈ ..આખી ગઝલ માણવાલાયક ..

    ધોધમાં નાહ્યા પછી પણ માનવી
    પ્રેમની બુંદો તરસતો હોય છે

    મને પણ મન થયું,…

    નોંધ જે લેતો નથી ઉપહારની
    જીન્દગીભર એજ રડતો હોય છે

  5. P Shah
    P Shah July 16, 2011

    કોઈના હૈયા સુધી પ્હોંચી જવા,
    આંખ ચાતક સ્હેલ રસ્તો હોય છે…

    લાજવાબ મક્તા !
    બધા જ શેર આસ્વાદ્ય થયા છે.

  6. Manvant Patel
    Manvant Patel July 16, 2011

    આપનાં બધાં કાવ્યો વાંચવા કેમ બહુ ગમે છે ?

  7. Nimisha Mistry
    Nimisha Mistry July 16, 2011

    “દોસ્ત, મોંઘા મોલની ઈન્સાનિયત,
    આદમી તો સાવ સસ્તો હોય છે”.
    …………….વાહ! ખરી વાત છે…

  8. Sudhir Patel
    Sudhir Patel July 17, 2011

    ખૂબ સુંદર ગઝલ!
    સુધીર પટેલ.

  9. Narendra Jagtap
    Narendra Jagtap July 17, 2011

    ધોધમાં નાહ્યા પછી પણ માનવી
    પ્રેમની બુંદો તરસતો હોય છે.

    દોસ્ત, મોંઘા મોલની ઈન્સાનિયત,
    આદમી તો સાવ સસ્તો હોય છે.

    આત્મઘાતી આદમી પણ આખરે,
    જિંદગી બીજી તલસતો હોય છે.

    …… વાહ વાહ માલીક આ ત્રણ શેર તો ખરેખર લાજવાબ છે… મિત્ર તમને દીલથી ખુબ ખુબ અભિનંદન

  10. Manhar Mody
    Manhar Mody July 17, 2011

    બહુ જ વિચારણીય ગઝલ. કાફીયા સરસ લીધા છે.

    મોકળા મનથી રડી લેનારનો,
    એક ચ્હેરો ખૂબ હસતો હોય છે.

    મઝાનો મનનીય શેર.

  11. Purohit Kirtikant
    Purohit Kirtikant July 19, 2011

    આત્મઘાતી આદમી પણ આખરે,
    જિંદગી બીજી તલસતો હોય છે.

    એ હશે છોડી જવાની વેદના,
    મોતનો ભય તો અમસ્તો હોય છે.

    વાહ..સાધ્યન્ત સુન્દર ગઝલ બની છે

  12. અશોક જાની 'આનંદ'
    અશોક જાની 'આનંદ' July 20, 2011

    સર્વાંગ સુંદર ગઝલ, મત્લા અને મક્તા બન્ને લાજવાબ થયાં છે.

    આમ તો દરેક શે’ર સુંદર પણ આ વધુ ગમ્યા….

    એ હશે છોડી જવાની વેદના,
    મોતનો ભય તો અમસ્તો હોય છે.

    મોકળા મનથી રડી લેનારનો,
    એક ચ્હેરો ખૂબ હસતો હોય છે.

  13. માધવી
    માધવી September 14, 2011

    “દોસ્ત, મોંઘા મોલની ઈન્સાનિયત,
    આદમી તો સાવ સસ્તો હોય છે”.
    ખરેખર લાજવાબ છે …. તમારી ગઝલ ને હું ફેસબુક પર શેર કરું છુ ..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.