ભીંતમાં દરિયો ફુટે તો રેતના ઘર જાય ક્યાં ?
લાગણી છતથી ચૂએ તો એ તડો સંધાય ક્યાં ?
ફુલને પાંખો મળે તો જાય એ ભમરા કને,
કંટકોની દોસ્તી પળવાર પણ છોડાય ક્યાં ?
ચોતરફ વંટોળ વચ્ચે દીપ શ્રદ્ધાનો જલે,
તેલ એમાં હરઘડી વિશ્વાસનું પૂરાય ક્યાં ?
ભૂલવાના કૈં પ્રસંગો કેમ ભૂલાતા નથી,
ભૂલ સમજાવા છતાંયે આદમી પસ્તાય ક્યાં ?
એક અણધાર્યા મિલનની શક્યતા જીવે હજુ,
શક્યતા સઘળી હકીકતમાં કદી પલટાય ક્યાં ?
બારણાં અવસર બની ‘ચાતક’ પ્રતીક્ષામાં ઊભાં,
તોરણોની આંખમાં આંસુ કદી દેખાય ક્યાં ?
– દક્ષેશ કોન્ટ્રાકટર ‘ચાતક’
Waaaahhh…
ફુલને પાંખો મળે તો જાય એ ભમરા કને,
કંટકોની દોસ્તી પળવાર પણ છોડાય ક્યાં ???
સરસ રચના.
ભુલવાના પ્રસંગો વાળી વાત, અને એક અણધાર્યા મીલનની શક્યતા, સરસ.
ખુબ જ સરસ મને બ્લોગ બહુ જ ગમ્યો .
ખુબ જ સરસ ગઝલ.
મત્લા અને મક્તા વધુ ગમ્યા…
સુંદર મત્લા અને એવો જ અસરકારક મક્તા..
આમ તો આખી ગઝલ સરસ કલ્પના થી સભર થઇ છે..
ખૂબ સુંદર ગઝલ માણવી ગમી!
સુધીર પટેલ.
વાહ્… સરસ કલ્પનો રમતાં મૂક્યાં છે અને મઝેથી દડદડ કરતાં જાય છે…
ભૂલવાના કૈં પ્રસંગો કેમ ભૂલાતા નથી,
ભૂલ સમજાવા છતાંયે આદમી પસ્તાય ક્યાં ?
એકદમ સાચી વાત છે…ખૂબ સરસ રચના
ભીંતમાં દરિયો ફુટે તો રેતના ઘર જાય ક્યાં ?
લાગણી છતથી ચૂએ તો એ તડો સંધાય ક્યાં ?
સરસ શક્તિશાળી ભાષા અને એવી જ ઘનિભૂત ગઝલ…
તોરણોની આંખમાં આંસુ કદી દેખાય ક્યાં ?
નવા કલ્પનોસભર સુંદર રચના !
એક અણધાર્યા મિલનની શક્યતા જીવે હજી,
શક્યતા સઘળી હકીકતમાં કદી પલટાય ક્યાં… વાહ્…!!
શરુઆતનો શેર તો શિરમોર સમો છે.
ભીંતમાં દરિયો ફુટે તો રેતના ઘર જાય ક્યાં ?
લાગણી છતથી ચૂએ તો એ તડો સંધાય ક્યાં ?
જબરદસ્ત કલ્પના…
સરસ ગઝલ છે.
વાહ કવિ..!! ખૂબ સુન્દર ગઝલ થઇ છે, બધાં જ શે’ર અર્થપૂર્ણ અને માણવાલાયક થયાં છે. કયા શે’ર ને ઉત્તમ કહેવો તેની અવઢવ છે….
વાહ…!
દક્ષેશભાઈ,
આખી ગઝલ દમદાર બની છે-અભિનંદન.
ભૂલવાના કૈં પ્રસંગો કેમ ભૂલાતા નથી,
ભૂલ સમજાવા છતાંયે આદમી પસ્તાય ક્યાં ?
સરસ ગઝલ …ભાવ પુર્ણ…
ચાતકને તોરણોની આંખમાં આંસુ ના જ દેખાય !
પોતાની જ આંખમાંથી શોધવાનાં રહે ! આભાર !