Press "Enter" to skip to content

હજુ રોયો નથી

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.

(તરન્નૂમ – રાજુ યાત્રી)

પ્રેમના વિસ્તારને જોયો નથી,
શ્વાસને લૈ શ્વાસમાં પોયો નથી.

રૂપની ચકચાર છે ચારે તરફ,
આયનાને મેં હજી લોયો નથી.

એ સ્વીકારું છું કે એમાં દાગ છે,
મેં પલકથી ચાંદને ધોયો નથી.

એમણે જાતાં કહ્યું’તું ‘આવજો’,
એ જ કારણથી હજુ રોયો નથી.

આંખના આંસુ અહીં ઝાકળસમા,
જેમણે સૂરજ કદી જોયો નથી.

નામ ‘ચાતક’ એટલે રાખી શકું,
મેં કદી વિશ્વાસને ખોયો નથી.

– દક્ષેશ કોન્ટ્રાકટર ‘ચાતક’

12 Comments

  1. Kanchankumari P Parmar
    Kanchankumari P Parmar June 5, 2011

    એમણે જતા કહ્યું હતું ‘આવજો’ પણ આંખોમાં આવકાર મેં કદિ જોયો નથી !!!!!!!

  2. Dilip
    Dilip June 6, 2011

    એ સ્વીકારું છું કે એમાં દાગ છે,
    મેં પલકથી ચાંદને ધોયો નથી.
    દક્ષેશભાઈ સુન્દર ગઝલ અને તરન્નુમ્..મોટભાગના મુશાયમામાં મને પણ તરન્નુમમાં જ ગઝલ રજુ કરવી ગમે… શેરિયત ની ચોટ જો કે અલગ થઈ જાય પણ એક રુચિ અને અલગ મજા હોય છે તરન્નુમની.. તરત જે પન્ક્તિ ગમી તે કોટ કરી ..પણ આખી ગઝલ જ સુંદર છે.. લાજવાબ પ્રેમની અનુભૂતિ કહી જાય છે..આ ગઝલ ..

  3. Pragnaju
    Pragnaju June 6, 2011

    સરસ ગઝલ
    એમણે જાતાં કહ્યું’તું ‘આવજો’,
    એ જ કારણથી હજુ રોયો નથી.

    આંખના આંસુ અહીં ઝાકળસમા,
    જેમણે સૂરજ કદી જોયો નથી.
    આ શેર વધુ ગમ્યા

  4. Manhar Mody
    Manhar Mody June 6, 2011

    સરસ મઝાના કાફિયા. જરા હટકે લાગે. આખી ગઝલ લાગણીથી છલકાય છે.

    રૂપની ચકચાર છે ચારે તરફ,
    આયનાને મેં હજી લોયો નથી.

  5. Pancham Shukla
    Pancham Shukla June 6, 2011

    સરસ ગઝલ. નરવા કંઠથી એક અલગ નિખાર પણ પામે છે.

    પોયોનો અર્થ? (પ્રોયો – પરોવ્યો એમ તો અભિપ્રેત નથી ને?). એજ રીતે લોયો = લો’યો, લ્હોયો (લૂછવાના અર્થમાં)?

  6. Daxesh Contractor
    Daxesh Contractor June 6, 2011

    પંચમભાઈ,
    બંને તમે જે રીતે ઉલ્લેખ કર્યો તે જ અર્થમાં વપરાયા છે –
    પોયો – પરોવ્યો અને લોયો – લૂછ્યો

  7. Himanshu Patel
    Himanshu Patel June 8, 2011

    પઠન અને ગઝલ બન્ને સુસંગત રહ્યાં, ગમ્યાં અને માણ્યા.

  8. Vivek
    Vivek June 8, 2011

    વાહ ….ખુબ સરસ ………..

  9. Narendra Jagtap
    Narendra Jagtap June 9, 2011

    એમણે જાતાં કહ્યું’તું ‘આવજો’,
    એ જ કારણથી હજુ રોયો નથી.

    વાહ સરસ ગઝલ છે. આ શેર તો લાજવાબ … અભિનંદન

  10. અશોક જાની 'આનંદ'
    અશોક જાની 'આનંદ' June 11, 2011

    ખુબ સુંદર ગઝલ.. ટુંકી બહેરમાં સુંદર કામ થયું છે..
    આ વિષેશ ગમ્યું..

    રૂપની ચકચાર છે ચારે તરફ,
    આયનાને મેં હજી લોયો નથી.

  11. Ami
    Ami August 2, 2011

    એમણે જાતાં કહ્યું’તું ‘આવજો’,
    એ જ કારણથી હજુ રોયો નથી.

    આંખના આંસુ અહીં ઝાકળસમા,
    જેમણે સૂરજ કદી જોયો નથી.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.