Press "Enter" to skip to content

સંગાથે સુખ શોધીએ


અડધું અમેરિકા અત્યારે શીતલહરમાં સપડાયેલું છે. કુદરતે ચારે તરફ સફેદ ચાદર બિછાવી દીધી છે. એવે સમયે તન-મનને તરબતર કરી દે તેવું આ હૂંફાળું ગીત. સહજીવનના સોનેરી શમણાંઓની સળીઓને એકઠી કરી મધુર માળો રચવાની કલ્પના જ કેટલી સુંદર છે. સપનાંની રજાઈ ઓઢી માણો મધુર કંઠ અને સંગીતનો સુંદર સ્પર્શ કરાવતું આ યુગલગીત.
[આલ્બમ: હસ્તાક્ષર; સ્વર: આરતી અને સૌમિલ મુન્શી]

Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.


હળવે હળવે શીત લહેરમાં ઝુમી રહી છે ડાળો;
સંગાથે સુખ શોધીએ રચીએ એક હુંફાળો માળો.

એકમેકને ગમતી સળીઓ શોધીએ આપણે સાથે;
મનગમતા માળાનું સપનુ જોયું છે સંગાથે.
અણગમતુ જ્યાં હોય કશું ના, માળો એક હુંફાળો;
સંગાથે સુખ શોધીએ રચીએ એક હુંફાળો માળો.

મનગમતી ક્ષણના ચણ ચણીએ ના કરશું ફરિયાદ;
મખમલ મખમલ પીંછા વચ્ચે રેશમી હો સંવાદ,
સપના કેરી રજાઇ ઓઢી માણીએ સ્પર્શ સુંવાળો,
સંગાથે સુખ શોધીએ રચીએ એક હુંફાળો માળો.

મઝીયારા માળામાં રેલે સુખની રેલમછેલ;
એકમેકના સાથમાં શોભે વૃક્ષને વીંટી વેલ.
મનહર મદભર સુંદરતામાં હોય આપણો ફાળો;
સંગાથે સુખ શોધીએ રચીએ એક હુંફાળો માળો.

– તુષાર શુક્લ

3 Comments

  1. pragnaju
    pragnaju January 22, 2009

    મઝીયારા માળામાં રેલે સુખની રેલમછેલ;
    એકમેકના સાથમાં શોભે વૃક્ષને વીંટી વેલ.
    મનહર મદભર સુંદરતામાં હોય આપણો ફાળો;
    સંગાથે સુખ શોધીએ રચીએ એક હુંફાળો માળો.
    વાહ્
    તેમની જ કવિતાની યાદ આપી
    જે કૈ જીવાયુ ને જીવવા જે ધાર્યુ તુ
    સાચવી ને રાખ્યુ તુ અશ્રુ એક સાર્યુ હતુ
    ડાયરી ના પાનાની એ સફરને કાપીને
    લ્યો અમે તો આ ચાલ્યા

    ફૂલ ઉપર ઝાકળનુ બે ઘડી ઝળક્વાનુ
    યાદ તોયે રહી જાતુ બેઉ ને આ મળવાનુ
    અન્તરના અન્તરને એમ સહેજ માપી ને
    લ્યો અમે તો આ ચાલ્યા

  2. Kanchankumari parmar
    Kanchankumari parmar August 14, 2009

    થીજેલા બરફના ચોસલા જેવો આપણો પ્રેમ ક્યારે ઓગળે તેની રાહ જોતી રહી અને તું પ્રેમની શોધમાં ક્યાંક દુર દુર ચાલી ગયો…….

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.