Press "Enter" to skip to content

સખી !


દૂર સાગરમાં અવશ સરતા, સખી !
પત્રનાં તરણે અમે તરતા, સખી !

આમ તો ખાલી બધું તારા વિના,
પત્રથી પળને અમે ભરતા, સખી !

હર સવારે ફૂલ ખીલે જે કશાં,
પત્ર ના’વે તો તરત ખરતા, સખી !

જાગતી રાતે જગત ઊંઘે તદા –
પત્રનાં કાંઠે અમે અમે ફરતાં, સખી !

પત્રને આધાર ટકતો પ્રાણ આ,
પત્રમાં પાછો તને ધરતા, સખી !

– રાજેન્દ્ર શુક્લ

2 Comments

  1. દિનકર ભટ્ટ
    દિનકર ભટ્ટ December 17, 2008

    મોબાઇલ, ઇ-મેઇલ વિગેરે આધુનીક સાધનોએ નવી પેઢી માટે પત્રની મહત્વતા, પત્રની જીવંતતા સાવ છીનવી લીધી છે. પોતાના ગણેલા માણસોના હસ્તાક્ષર વાળો પત્ર તેમની હાજરીની ખોટ પુરતો.

    પત્રને આધાર ટકતો પ્રાણ આ,
    પત્રમાં પાછો તને ધરતા, સખી !

    અતિ ઉત્તમ

  2. pragnaju
    pragnaju December 17, 2008

    સુંદર ચિત્ર સાથે અનુભૂતિની રચના
    યાદ આવી
    એક યારની ગલી ,બીજી પરવરદિગારની;
    ના ત્યાં સફળ હતો,ના અહીં કામિયાબ છું.

    રબ ની દુહાઇ ના દે એ નિગાહબાને-દીન ;
    તુજથી વધારે સાફ છું,એહલે-શરાબ છું.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.