Press "Enter" to skip to content

તું રોકાઈ જા


પ્રિય મિત્રો, મીતિક્ષા.કોમ આજે ચાર વરસની સાહિત્યયાત્રા પૂરી કરી પાંચમા વર્ષમાં પ્રવેશ કરે છે. આપના સાથ-સહકાર વગર આ સંભવ થઈ શક્યું ન હોત. આ પ્રસંગે પ્રતિભાવ આપી પ્રોત્સાહિત કરનાર સર્વ વાચકમિત્રોનો હૃદયપૂર્વક આભાર.
*
આંખમાં સપનાં ઘણાં છે, રાત તું રોકાઈ જા,
લાખ કહેવાની તને છે વાત, તું રોકાઈ જા.

કેટલા પડદા રહસ્યોના હજી ખુલ્યા નથી,
છે સમયની માંગ, ઝંઝાવાત, તું રોકાઈ જા.

આભથી વરસી રહી છે ચાંદની બેફામ થઈ,
ખૂબ લેવા પ્રેમની સૌગાત, તું રોકાઈ જા.

હાથમાં હૈયું નથી, ઓ મન, વિચારી લે જરા,
આપ ના કોઈયે પ્રત્યાઘાત, તું રોકાઈ જા.

બે પ્રણયઘેલા હૃદયના સંમિલનની રાત છે,
આજ મારું માન, ઓ પરભાત, તું રોકાઈ જા.

કેટલી ‘ચાતક’ ક્ષણોને આંખમાં આજ્યા પછી,
આજ ફુટી છે તરસ, ઓ જાત, તું રોકાઈ જા.

– © દક્ષેશ કોન્ટ્રાકટર ‘ચાતક’

26 Comments

  1. Daxesh Contractor
    Daxesh Contractor July 2, 2012

    હિમાંશુભાઈ, ચેતનાબેન, સપનાબેન, સુનીલભાઈ, ચંદ્રલેખાબેન, નરેન્દ્રભાઈ, હેમંતભાઈ, આપ સૌના પ્રતિભાવો અને સમયાંતરે મળતા રહેલ પ્રોત્સાહન બદલ હૃદયપૂર્વક આભાર ..

  2. ખૂબ-ખૂબ અભિનંદન દક્ષેશભાઇ….
    તમારી ગઝલયાત્રા બસ આમજ અવિરત ચાલ્યા કરે અને નિત્ય, નાવિન્ય અને નિખારથી ગઝલો છલોછલ રહે….

  3. સાદ્યંત સુંદર ગઝલ…

    આપની કાવ્ય-યાત્રાનો હું શરૂથી સાક્ષી રહ્યો છું. આપની ગતિ અને પ્રગતિ – બંને આનંદદાયક છે… ખૂબ ખૂબ અભિનંદન અને શુભકામનાઓ…

  4. Saryu Parikh
    Saryu Parikh July 3, 2012

    ખુબ સુંદર ગઝલ, તમારી ઘણી રચનાઓની જેમ.
    મને તમારુ વાંચ્યા પછી મારા બ્લોગને લગભગ પાંચ વર્ષો થયા એવું યાદ આવે છે. કમ્પ્યુટર જગતની બલિહારી અને ખુશી.
    સરયૂ

  5. Daxesh Contractor
    Daxesh Contractor July 3, 2012

    મહેશભાઈ, વિવેકભાઈ,
    તમારી શુભેચ્છાઓ બદલ અંતઃકરણપૂર્વક આભાર .. તમારા જેવા અનુભવીઓની કલમ અને પ્રત્યક્ષ સૂચનોથી મને ઘણું શીખવાનું મળ્યું છે.
    ====
    સરયૂબેન,
    આપના બ્લોગને પાંચ વર્ષ થયા તે નિમિત્તે અભિનંદન .. સાચે જ બ્લોગજગતને લીધે આપણને સૌને અભિવ્યક્તિની મોકળાશ મળી એટલે એની બલિહારી તો ગણાય જ.

  6. Sudhir Patel
    Sudhir Patel July 5, 2012

    પ્રિય દક્ષેશભાઈ,

    ચાર વર્ષ દમામભેર પૂર્ણ કરી પાંચમા વર્ષમાં સફળ પ્રવેશ કરવા બદલ હાર્દિક અભિનંદન!
    આપની કલમ કવિતા અને સાહિત્યના ઉચ્ચ શિખરો સર કરે એવી અઢળક શુભેચ્છાઓ!

    સુધીર પટેલ.

  7. Pancham Shukla
    Pancham Shukla July 5, 2012

    ખૂબ ખૂબ અભિનંદન. તમારી વેબસાઈટ અને મીતિક્ષાબેન બન્નેને. તમારી કાવ્યગતિને નિહાળવી/માણવી શરૂથી જ આનંદદાયક રહી છે.

  8. Kishore Modi
    Kishore Modi July 5, 2012

    ચાર ચાર વરસની સફળ યાત્રા માટે મુબારકબાદ.
    સુંદર મત્લા સાથેની સરસ ગઝલ માણી અભિનન્દન

  9. દક્ષેશભાઈ,
    ચાર વર્ષોની બ્લોગ્યાત્રા બદલ અભિનંદન.
    સુંદર રચના. બ્લોગજગતમાં આપના જેવા મિત્રોને કારણે જ રોકાઈ જવાનું મન થાય છે!
    મારા બ્લોગને પણ આજે ચાર વરસ પૂરાં થઈ ગયાં!

  10. Daxesh Contractor
    Daxesh Contractor July 6, 2012

    સુધીરભાઈ, પંચમભાઈ, કિશોરભાઈ,
    આપ સર્વ કવિમિત્રોનો ખુબ ખુબ આભાર … આપના પ્રતિભાવો અને સૂચનો મળતા રહે એવી કામના.
    =====
    યશવંતભાઈ,
    આપના બ્લોગને ચાર વર્ષ પૂરા થયા તે નિમિત્તે ખુભ ખુબ અભિનંદન .. તમારી કલમ અને એની ‘અસર’ બની રહે એ જ શુભેચ્છા.

  11. Yogendu Joshi
    Yogendu Joshi July 13, 2012

    દક્ષેશભાઇ,

    સાહિત્ય યાત્રા આમ જ અવિરત ચાલ્યા કરે તેવી હાર્દિક શુભેચ્છાઓ…

    જય મહાદેવ…

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.