Press "Enter" to skip to content

મૂંઝારો થાય છે !


મિત્રો, આજે મારી એક સ્વરચિત કૃતિ.

ક્યાંક તડકો, ક્યાંક છાંયો થાય છે,
આભને કેવો મૂંઝારો થાય છે !

શોધવા કોને ધરા પર, આભથી
આમ વીજળીનો ઝગારો થાય છે ?

શું નદીઓ આટલું રોતી હશે !
આ સમંદર કેમ ખારો થાય છે ?

વાસ્તવિકતાની તૂટેલી ઈંટથી
એક સપનાંનો મિનારો થાય છે.

જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?

શ્વાસની મંથર ગતિ રોકી શકો
તો જ કાયમનો ઉતારો થાય છે !

ચાલ જઈએ શોધવા ‘ચાતક’ જરી
આશ પર અહીં ક્યાં ગુજારો થાય છે ?

– દક્ષેશ કોન્ટ્રાકટર ‘ચાતક’

17 Comments

  1. વિવેક ટેલર
    વિવેક ટેલર February 1, 2009

    શું નદીઓ આટલું રોતી હશે !
    આ સમંદર કેમ ખારો થાય છે ?

    -સુંદર શેર… નદી અને સમુદ્ર વિશે ઘણા કવિઓ ઘણું કહી ગયા હોવા છતાં આ અભિવ્યક્તિમાં અભૂતપૂર્વ તાજગી વર્તાય છે…. આખી ગઝલ સરસ થઈ છે પણ આ એક શેર ઠેઠ અંદર સુધી અડી ગયો…

  2. ધવલ
    ધવલ February 1, 2009

    શોધવા કોને ધરા પર, આભથી
    આમ વીજળીનો ઝગારો થાય છે ?

    – સરસ !

  3. neetakotecha
    neetakotecha February 1, 2009

    વાસ્તવિકતાની તૂટેલી ઈંટથી
    એક સપનાંનો મિનારો થાય છે.

    વાહ ખૂબ સરસ …

  4. Pancham Shukla
    Pancham Shukla February 1, 2009

    આખે આખી રચના સ્પર્શી ગઈ.

  5. Rajiv
    Rajiv February 2, 2009

    ખુબ જ સુંદર રચના…
    અભિનંદન…!

  6. Dr Bipin Contractor
    Dr Bipin Contractor February 2, 2009

    ખૂબ જ સુંદર રચના! ખૂબ જ ઉત્તમ કોટિની કલ્પના!
    અભિનંદન! અભિનંદન!

  7. pragnaju
    pragnaju February 2, 2009

    બહુ સુંદર ગઝલ
    જ્યાં જઈ સપનાં તમે વેચી શકો
    દોસ્ત, એવા ક્યાં બજારો થાય છે ?

    શ્વાસની મંથર ગતિ રોકી શકો
    તો જ કાયમનો ઉતારો થાય છે !
    વાહ.

  8. Raju
    Raju February 3, 2009

    વાહ ! ચાતકના – મૂંઝારો, ઝગારો, મિનારો, બજારો, ઉતારો, ગુજારો

  9. manvant
    manvant February 3, 2009

    આ રચના બહુ ગમી બહેના !

  10. dilip
    dilip February 3, 2009

    ખુબ સુંદર મુશાયરામાં દાદ લૂટી લે તેવી ગઝલ છે આપની, દોબારા કહેવાય ગયુ…તો તમારા અવાજમા જ રજુ કરો તો…
    શોધવા કોને ધરા પર, આભથી
    આમ વીજળીનો ઝગારો થાય છે ?

  11. Shriya
    Shriya February 4, 2009

    વાહ ખુબજ સુંદર ગઝલ! એક એક શેર લાજવાબ!!

    શું નદીઓ આટલું રોતી હશે !
    આ સમંદર કેમ ખારો થાય છે ?

    વાસ્તવિકતાની તૂટેલી ઈંટથી
    એક સપનાંનો મિનારો થાય છે.

    કેટલી સાચી વાત કરી છે આ શેરમાં!

  12. minal
    minal February 4, 2009

    બહુ સરસ લખ્યુ છે. છેલ્લો શેર બહુ સરસ છે.

  13. kanchankumari parmar
    kanchankumari parmar July 17, 2009

    જલધિજલના પ્રેમમાં ખુદ બની ખારી ઝેર; શું શીખવી ગઈ આ રીત પ્રેમની સરિતા? પ્રેમમાં બધુજ મંજુર છે…

  14. Hardik Raval
    Hardik Raval May 22, 2011

    શું નદીઓ આટલું રોતી હશે !
    આ સમંદર કેમ ખારો થાય છે ?

    આ શેર તો દિલ ને ટચ કરી ગયો ……..

  15. Kaushal
    Kaushal July 8, 2011

    એક એક શબ્દ ખરેખર દિલને સ્પર્શી ગયો.

Your email address will not be published. Required fields are marked *

This site uses Akismet to reduce spam. Learn how your comment data is processed.