મિત્રો, આજે મારી એક સ્વરચિત કૃતિ.
ક્યાંક તડકો, ક્યાંક છાંયો થાય છે,
આભને કેવો મૂંઝારો થાય છે !
શોધવા કોને ધરા પર, આભથી
આમ વીજળીનો ઝગારો થાય છે ?
શું નદીઓ આટલું રોતી હશે !
આ સમંદર કેમ ખારો થાય છે ?
વાસ્તવિકતાની તૂટેલી ઈંટથી
એક સપનાંનો મિનારો થાય છે.
જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?
શ્વાસની મંથર ગતિ રોકી શકો
તો જ કાયમનો ઉતારો થાય છે !
ચાલ જઈએ શોધવા ‘ચાતક’ જરી
આશ પર અહીં ક્યાં ગુજારો થાય છે ?
– દક્ષેશ કોન્ટ્રાકટર ‘ચાતક’
“જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?”
અદભૂત!
“જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?”
વાહ ખૂબ સુંદર!
શબ્દો સ્પર્શી જાય તો રચના અન્યથા લખાણ, આપની અપ્રતિમ રચનાઓ એ વાતને પુરવાર કરે છે!
મારી રચના તમને સ્પર્શે એથી વધુ આનંદની વાત કયી હોઈ શકે!
આભાર હિતેશભાઈ.
” છે ઘણા એવા કે જેવો યુગને પલટાવી ગયા
છે ઘણા એવા કે જેવો યુગને પલટાવી ગયા પણ
બહુ ઓછા છે જેવો પ્રેમમાં ફાવી ગયા .”
– સૈફ’ પાલનપુરી
દ્ક્ષેશભાઈ મહેફિલ લૂટી લીધી …પહેલાં થયું નદીવાળો શેર ટાંકુ પછી થ્યું સપનાં વાળો.પછી થયું વીજળી વાળૉ ..ચાલો આખી ગઝલ જ ટાંકુ છું..સાચું કહું તો આટલી સરસ અને સરળ ગઝલ ઘણાં સમયે વાંચી..આભાર
સપના
એક એક શબ્દ ખરેખર દિલને સ્પર્શી ગયો.
શું નદીઓ આટલું રોતી હશે !
આ સમંદર કેમ ખારો થાય છે ?
આ શેર તો દિલ ને ટચ કરી ગયો ……..
જલધિજલના પ્રેમમાં ખુદ બની ખારી ઝેર; શું શીખવી ગઈ આ રીત પ્રેમની સરિતા? પ્રેમમાં બધુજ મંજુર છે…
બહુ સરસ લખ્યુ છે. છેલ્લો શેર બહુ સરસ છે.
વાહ ખુબજ સુંદર ગઝલ! એક એક શેર લાજવાબ!!
શું નદીઓ આટલું રોતી હશે !
આ સમંદર કેમ ખારો થાય છે ?
વાસ્તવિકતાની તૂટેલી ઈંટથી
એક સપનાંનો મિનારો થાય છે.
કેટલી સાચી વાત કરી છે આ શેરમાં!
ખુબ સુંદર મુશાયરામાં દાદ લૂટી લે તેવી ગઝલ છે આપની, દોબારા કહેવાય ગયુ…તો તમારા અવાજમા જ રજુ કરો તો…
શોધવા કોને ધરા પર, આભથી
આમ વીજળીનો ઝગારો થાય છે ?
આ રચના બહુ ગમી બહેના !
વાહ ! ચાતકના – મૂંઝારો, ઝગારો, મિનારો, બજારો, ઉતારો, ગુજારો
બહુ સુંદર ગઝલ
જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?
શ્વાસની મંથર ગતિ રોકી શકો
તો જ કાયમનો ઉતારો થાય છે !
વાહ.
ખૂબ જ સુંદર રચના! ખૂબ જ ઉત્તમ કોટિની કલ્પના!
અભિનંદન! અભિનંદન!
ખુબ જ સુંદર રચના…
અભિનંદન…!
આખે આખી રચના સ્પર્શી ગઈ.
વાસ્તવિકતાની તૂટેલી ઈંટથી
એક સપનાંનો મિનારો થાય છે.
વાહ ખૂબ સરસ …
શોધવા કોને ધરા પર, આભથી
આમ વીજળીનો ઝગારો થાય છે ?
– સરસ !
શું નદીઓ આટલું રોતી હશે !
આ સમંદર કેમ ખારો થાય છે ?
-સુંદર શેર… નદી અને સમુદ્ર વિશે ઘણા કવિઓ ઘણું કહી ગયા હોવા છતાં આ અભિવ્યક્તિમાં અભૂતપૂર્વ તાજગી વર્તાય છે…. આખી ગઝલ સરસ થઈ છે પણ આ એક શેર ઠેઠ અંદર સુધી અડી ગયો…