લધુકાવ્યો : આંસુ

[Painting by Donald Zolan]

મિત્રો, લઘુકાવ્યનો આ મારો પ્રથમ પ્રયાસ છે, એથી આપના પ્રતિભાવો જાણવા ગમશે.

આંસુ કોઈ ગ્રોસરી સ્ટોરમાં વેચાતી ચિજની જેમ
હાજર સ્ટોકમાં પડ્યા રહેતા હશે
કે પીત્ઝાની જેમ ઓર્ડર આપ્યેથી
ગરમાગરમ બનતા હશે ?
*
આંસુ ખારા હોય છે, એ વાતમાં કેટલું તથ્ય છે,
એ જાણવા પ્રયત્ન કર્યો છે ?
કરી જોજો.
પણ હા, એનો સ્વાદ જીભથી નહીં પરખાય,
એને માટે હૃદય જોઈશે.
*
કોઈના આંસુ સામે આપણે શું ફરિયાદ હોઈ શકે ?
હા, એટલું જરૂર કહીશું કે
વરસાદ પણ ઋતુમાં જ સારો લાગે.
એથી વરસવું જ હોય તો એટલો ખ્યાલ કરજો કે
આંખની પણ એક મોસમ હોય છે.
*
પાણી આંસુ કેવી રીતે બને,
એ જાણવા ઘણી કોશીશ કરી
પણ નિષ્ફળતા મળી.
સાલ્લું … સંવેદના માપી શકે
તેવું કોઈ સાધન જડ્યું જ નહીં.
*
હૈયામાં ધરબાયેલ દર્દ
આંસુ થઈને બહાર આવ્યું
ત્યારે ખબર પડી કે
દર્દનું સરનામું ભલે હૃદય હોય,
પણ રસ્તો તો આંખમાંથી જ પસાર થાય છે.
*
હર્ષ અને શોક – બંને કિસ્સામાં જે આંસુ નીકળે,
એમાં કોઈ ફરક હશે ખરો ?
કદાચ હરખનાં આંસુનું તાપમાન ઓછું હશે.
કારણ એનો જન્મ હૈયાવરાળથી નથી થતો…
*
આંસુને આંખમાંથી બહાર આવતાં જોયું છે,
પણ અંદર જતાં જોયું નથી.
આ સંવેદનાનો ધોરીમાર્ગ વન-વે હશે,
બિચ્ચારું આંસુ..
ચાહે તોય પોતાને ઘર પાછું જઈ ના શકે…
*
આંસુ મોતી કેવી રીતે બનતું હશે ?
કદાચ જોનારની પાંપણ છીપની ગરજ સારતી હશે.
આપણી આંખો કોઈની સંવેદનાને
મોતી કરે તેવી પાણીદાર થશે ખરી ?
*
આંસુ પાણી છે, એવું કોઈએ કહ્યું ત્યારે મને લાગી આવ્યું.
કોઈના હૈયાની આગ, વરાળ બની,
આંખોના આકાશમાં ગાજવીજ સાથે તૂટી પડે
તો એને આગ કહેવું કે પાણી ?

– © દક્ષેશ કોન્ટ્રાકટર ‘ચાતક’

COMMENTS (22)
Reply

Hi… I loved this short poems…. The last one is the best though… Keep it up… I like reading your posts…. 🙂

Reply

Hello, Truly I like this poem

આંસુને આંખમાંથી બહાર આવતાં જોયું છે,
પણ અંદર જતાં જોયું નથી.
આ સંવેદનાનો ધોરીમાર્ગ વન-વે હશે,
બિચ્ચારું આંસુ..
ચાહે તોય પોતાને ઘર પાછું જઈ ના શકે…

દક્ષેશભાઈ,
ગઝલ પછીનો આ પ્રયાસ ખરેખર સ્રરાહનીય છે….

Reply

ખુબ જ સરાહનીય …

સુંદર
યાદ
વાંસળીનો વિખૂટો સૂર એક આસું
ને ગોપીનું સૂનું સૂનું ઉર એ જ આંસુ !

કાળજામાં કોરાયા કૂપ એ જ આંસુ
તમે મારો મેણાં ને હોઠ ચૂપ એ જ આંસુ !

સાચે સાવ સાદી સીધી સરળ સુંદર રચનાઓ!!
……… કારણ એનો જ્ન્મ હૈયા વરાળથી થતો નથી.

Reply

deep .. emotional.

Reply

આંસુ પ્રતીક પર લખાયેલ (મોનો ઇમેજ) કાવ્યો ખૂબ જ ધારદાર નીવડ્યાં છે. ખૂબ ગમ્યાં. મારા દિલી અભિનંદન.

Reply

બધાં જ લઘુકાવ્યો અસરકારક અને સંવેદન થી ભરપૂર લાગ્યાં… ગમ્યાં.

લઘુ તો લઘુ- આંસુ વિષય પર લખાયેલ મોનો ઇમેજ કાવ્યો
ખરેખર દિલમાંથી ઉભરતી નાજુક સંવેદનાઓ છે.
બધા જ કાવ્યો સુંદર થયા છે- એક-બેને છોડીને જે લાજવાબ થયા છે-
બિચ્ચારું આંસુ..
ચાહે તોય પોતાને ઘર પાછું જઈ ના શકે…….વાહ !
દિલી અભિનંદન !

Reply

કોઈના આંસુ સામે આપણે શું ફરિયાદ હોઈ શકે ?
હા, એટલું જરૂર કહીશું કે
વરસાદ પણ ઋતુમાં જ સારો લાગે.
એથી વરસવું જ હોય તો એટલો ખ્યાલ કરજો કે
આંખની પણ એક મોસમ હોય છે.

Reply

ભાઇ, આંસુ એટલે જ સ્પન્દન. સરસ ખુબ જ દિલ થી અભિનન્દન.
નરેશ, ઊમરગા. ગુજરાત

Reply

Hi.. આંસુની આટલી ફિલસુફી તો આંસુની આંખમાં પણ આંસુ લાવી દેશે.
આંસુનો વન-વે અને દર્દ નું સરનામું વાળી વાત વધુ ગમી …
aansu ni atli filsufy to aansu ni aankh ma b aansu lavi deshe..
Aansu no one way n dard nu sarnamu vali vat vdhu gami..

વાહ સરસ ….લઘુ કાવ્યો…. મઝાના છે…. અભિનંદન

Reply

હૃદયમા ધરબાયેલી વેદના અત્યંત તીવ્ર બનીને આંસુ દ્વારા વ્યકત થાય છે,અને આ વેદનાઓ મીઠી તો ના જ હોય, એ ખારી જ હોય એટલે જ આંસુ ખારા હોય છે.બહુ જ સરસ કાવ્યમાં આંસુ વહાવ્યા, એકો રસો કરુણો બભૂવો ની જેમ કરુણતાય હૃદયસ્પર્શી હોય તેમ આપના આંસુ પણ હ્ર્દય ભીંજવી ગયા.

1 2

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)