મૂંઝારો થાય છે !
મિત્રો, આજે મારી એક સ્વરચિત કૃતિ.
ક્યાંક તડકો, ક્યાંક છાંયો થાય છે,
આભને કેવો મૂંઝારો થાય છે !
શોધવા કોને ધરા પર, આભથી
આમ વીજળીનો ઝગારો થાય છે ?
શું નદીઓ આટલું રોતી હશે !
આ સમંદર કેમ ખારો થાય છે ?
વાસ્તવિકતાની તૂટેલી ઈંટથી
એક સપનાંનો મિનારો થાય છે.
જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?
શ્વાસની મંથર ગતિ રોકી શકો
તો જ કાયમનો ઉતારો થાય છે !
ચાલ જઈએ શોધવા ‘ચાતક’ જરી
આશ પર અહીં ક્યાં ગુજારો થાય છે ?
- દક્ષેશ કોન્ટ્રાકટર ‘ચાતક’
February 1st, 2009 at 10:16 am
શું નદીઓ આટલું રોતી હશે !
આ સમંદર કેમ ખારો થાય છે ?
-સુંદર શેર… નદી અને સમુદ્ર વિશે ઘણા કવિઓ ઘણું કહી ગયા હોવા છતાં આ અભિવ્યક્તિમાં અભૂતપૂર્વ તાજગી વર્તાય છે…. આખી ગઝલ સરસ થઈ છે પણ આ એક શેર ઠેઠ અંદર સુધી અડી ગયો…
February 1st, 2009 at 10:33 am
શોધવા કોને ધરા પર, આભથી
આમ વીજળીનો ઝગારો થાય છે ?
- સરસ !
February 1st, 2009 at 6:14 pm
વાસ્તવિકતાની તૂટેલી ઈંટથી
એક સપનાંનો મિનારો થાય છે.
વાહ ખૂબ સરસ …
February 1st, 2009 at 7:05 pm
આખે આખી રચના સ્પર્શી ગઈ.
February 2nd, 2009 at 6:55 am
ખુબ જ સુંદર રચના…
અભિનંદન…!
February 2nd, 2009 at 11:54 am
ખૂબ જ સુંદર રચના! ખૂબ જ ઉત્તમ કોટિની કલ્પના!
અભિનંદન! અભિનંદન!
February 2nd, 2009 at 8:17 pm
બહુ સુંદર ગઝલ
જ્યાં જઈ સપનાં તમે વેચી શકો
દોસ્ત, એવા ક્યાં બજારો થાય છે ?
શ્વાસની મંથર ગતિ રોકી શકો
તો જ કાયમનો ઉતારો થાય છે !
વાહ.
February 3rd, 2009 at 5:58 am
વાહ ! ચાતકના – મૂંઝારો, ઝગારો, મિનારો, બજારો, ઉતારો, ગુજારો
February 3rd, 2009 at 8:27 am
આ રચના બહુ ગમી બહેના !
February 3rd, 2009 at 10:57 pm
ખુબ સુંદર મુશાયરામાં દાદ લૂટી લે તેવી ગઝલ છે આપની, દોબારા કહેવાય ગયુ…તો તમારા અવાજમા જ રજુ કરો તો…
શોધવા કોને ધરા પર, આભથી
આમ વીજળીનો ઝગારો થાય છે ?
February 4th, 2009 at 12:23 pm
વાહ ખુબજ સુંદર ગઝલ! એક એક શેર લાજવાબ!!
શું નદીઓ આટલું રોતી હશે !
આ સમંદર કેમ ખારો થાય છે ?
વાસ્તવિકતાની તૂટેલી ઈંટથી
એક સપનાંનો મિનારો થાય છે.
કેટલી સાચી વાત કરી છે આ શેરમાં!
February 4th, 2009 at 4:41 pm
બહુ સરસ લખ્યુ છે. છેલ્લો શેર બહુ સરસ છે.
July 17th, 2009 at 12:24 pm
જલધિજલના પ્રેમમાં ખુદ બની ખારી ઝેર; શું શીખવી ગઈ આ રીત પ્રેમની સરિતા? પ્રેમમાં બધુજ મંજુર છે…
May 22nd, 2011 at 12:00 pm
શું નદીઓ આટલું રોતી હશે !
આ સમંદર કેમ ખારો થાય છે ?
આ શેર તો દિલ ને ટચ કરી ગયો ……..
July 8th, 2011 at 11:33 am
એક એક શબ્દ ખરેખર દિલને સ્પર્શી ગયો.
September 29th, 2011 at 11:41 pm
દ્ક્ષેશભાઈ મહેફિલ લૂટી લીધી …પહેલાં થયું નદીવાળો શેર ટાંકુ પછી થ્યું સપનાં વાળો.પછી થયું વીજળી વાળૉ ..ચાલો આખી ગઝલ જ ટાંકુ છું..સાચું કહું તો આટલી સરસ અને સરળ ગઝલ ઘણાં સમયે વાંચી..આભાર
સપના