ઝૂકવાથી પ્રેમ નથી થાતો
આજે મારી એક સ્વરચિત રચના રજૂ કરું છું. ઈશ્વરને માટે પાડેલો પોકાર કદી નિષ્ફળ જતો નથી. શરત એટલી કે એ સાચા હૃદયનો હોવો જોઈએ. અબોલ પ્રાણીઓ મનુષ્યના પ્રેમભર્યા વ્યવહારથી ગુલામ બનવા રાજી થઈ જાય છે. ભગવાન તો ભાવનો ભૂખ્યો કહેવાયો છે. એ પ્રેમથી કેમ ન પીગળે ? પરંતુ પ્રેમનો અર્થ મંદિરમાં જઈને ઘૂંટણિયે પડવામાં સીમિત નથી થતો. પ્રેમ તો એક હૃદયની બીજા હૃદય સાથે થતી ગોઠડી છે, અનુસંધાન છે, સંવેદનની આપ-લે છે.
તું રોજ પૂકારે છે એને, પોકાર વ્યર્થ નથી જાતો,
પ્રેમ ઝુકાવે છે સૌને, ઝૂકવાથી પ્રેમ નથી થાતો.
તું મંદિર જા કે મસ્જીદ જા, સરનામું એનું એક જ છે,
નામ બદલવાથી એનો આકાર અલગ નથી થાતો.
છે એક સમંદર સૂતેલો ભીતરની ભોમે વરસોથી,
એ સારું છે કે આંખોથી એનો ઘૂઘવાટ નથી થાતો.
ખળખળ વ્હેતી તુજ આંખોમાં સળગે છે લાશો સ્વપ્નોની,
કોણે કહ્યું, જળ-અગ્નિનો કો’દિ સહવાસ નથી થાતો ?
બે-ચાર કદમ સાથે માંડો ત્યાં માર્ગ અલગ ફંટાય અહીં,
એ સાચું છે કે શમણાંનો કાયમ સંગાથ નથી થાતો.
તું એમ જતાવે છે મુજને ભવભવના આપણે સંગાથી,
મિથ્યા છે હૈયાધારણ, પણ આ દિલમાં વ્હેમ નથી થાતો !
છે બાકી કાણાં પડીયામાં બે-ચાર શ્વાસ તણાં ટીપાં,
નભ ઘેરાયેલું ભાળીને ‘ચાતક’ નિઃશ્વાસ નથી થાતો.
- દક્ષેશ કોન્ટ્રાકટર ‘ચાતક’
December 1st, 2008 at 8:09 pm
તું રોજ પૂકારે છે એને, પોકાર વ્યર્થ નથી જાતો,
પ્રેમ ઝુકાવે છે સૌને, ઝૂકવાથી પ્રેમ નથી થાતો.
બે-ચાર કદમ સાથે માંડો ત્યાં માર્ગ અલગ ફંટાય અહીં,
એ સાચું છે કે શમણાંનો કાયમ સંગાથ નથી થાતો.
તું એમ જતાવે છે મુજને ભવભવના આપણે સંગાથી,
મિથ્યા છે હૈયાધારણ, પણ આ દિલમાં વ્હેમ નથી થાતો !
સાચી વાત છે ભઈ. સમજો તો સારું. આ કૃતિ સારી છે. સ્વરચિતનો જાદુ કંઇ ઓર જ છે.
December 1st, 2008 at 8:35 pm
તમારી પોતાની રચના ગમી
તું એમ જતાવે છે મુજને ભવભવના આપણે સંગાથી,
મિથ્યા છે હૈયાધારણ, પણ આ દિલમાં વ્હેમ નથી થાતો !
છે બાકી કાણાં પડીયામાં બે-ચાર શ્વાસ તણાં ટીપાં,
નભ ઘેરાયેલું ભાળીને ‘ચાતક’ નિઃશ્વાસ નથી થાતો.
વાહ…તખલ્લુસ ચાતક છે-વિશ્વાસ પણ તેવો છે
चातक वलखे मृगजळ जोई,
ठंडक पामवा चान्दो जुए;
तरस छीपे नहीं छतांय कोई,
आंसुबुन्दो छेवटे पीए.
December 2nd, 2008 at 2:25 pm
મિતિક્ષા,
આભાર, સરસ મજાની વેબ સાઈટ બનાવી છે.
કાન્તિભાઇ પટેલ
વડોદરા.
Cell . +91 9376223851
December 3rd, 2008 at 1:48 am
આમ જોવા જઈએ તો સહુને, કશાકનો ઈન્તજાર જોવા મળે છે,
ચાતક છે તો વિરહીની વેદનાને વાચા મળે છે, અને અનેકને હમદર્દ મળે છે!
આભાર – પ્રેમ ઝુકાવે છે સહુને….!!
December 4th, 2008 at 2:37 pm
This should be composed, wordings are too good.
December 7th, 2008 at 8:05 pm
ખૂબ સરસ રચના છે.