Press "Enter" to skip to content

Month: September 2021

બારી નીકળવી જોઈએ


[Painting by Donald Zolan]
*
દુશ્મનો વચ્ચે જૂની યારી નીકળવી જોઈએ,
ભીંતની બુનિયાદમાં બારી નીકળવી જોઈએ.

ચાંદ આવીને અગાસી પર ઊભો છે આજ તો,
દોસ્ત, આજે રાત પણ સારી નીકળવી જોઈએ.

લોક દરિયાનો જ કાયમ વાંક કાઢે છે અહીં,
ચાખતાં કોઈ નદી ખારી નીકળવી જોઈએ.

માનું છું, એનું હૃદય કોઈ શિલાથી કમ નથી,
કોઈ દિવસ એ મહીં નારી નીકળવી જોઈએ.

પ્રેમનો મતલબ અહં ઓગાળવાની પ્રક્રિયા,
ચીસ હો કે કીસ – સહિયારી નીકળવી જોઈએ.

આ ગઝલ ‘ચાતક’ દવાથી કોઈ રીતે કમ નથી,
તો અસર એનીય ગુણકારી નીકળવી જોઈએ.

– © દક્ષેશ કોન્ટ્રાકટર ‘ચાતક’

3 Comments