Press "Enter" to skip to content

તકિયાકલામ છે

સાથે રહ્યો છું તારી આ તેનો દમામ છે,
આંસુ એ મારી આંખનો તકિયાકલામ છે.

મારી ગલીમાં રોજ એ ભૂલા પડ્યા કરે,
શ્વાસોની આવજાવને દંડવત પ્રણામ છે.

પેલો સૂરજ તો સાંજટાણે આથમી જશે,
આંખોમાં તારી ઊગશે એને સલામ છે !

પાંપણમાં ઊંઘ આંજીને ચાલ્યો જઈશ હું,
સપનામાં તારા આવીને, મારે શું કામ છે ?

નક્કી જીવનના અંત સુધી નહીં કરી શકું,
હું શબ્દનો કે શબ્દ આ મારો ગુલામ છે.

– અંકિત ત્રિવેદી

One Comment

  1. Pragnaju
    Pragnaju March 7, 2009

    સાથે રહ્યો છું તારી આ તેનો દમામ છે,
    આંસુ એ મારી આંખનો તકિયાકલામ છે.
    વાહ
    યાદ્
    આંખડીમાં હસતી ગુલાબકળી આંસુ
    ને સ્પંદનની મ્હેકતી આ ધૂપસળી આંસુ !

    અણદીઠા દરિયાનું મોતી એક આંસુ
    ને વાદળાની વીજઆંખ રોતી એ જ આંસુ !

Leave a Reply

Your email address will not be published.

This site uses Akismet to reduce spam. Learn how your comment data is processed.