Press "Enter" to skip to content

કેમ સારો હું નથી ?


પાથરું છું ફૂલ, કાંટા વેરનારો હું નથી,
શાંત જળમાં પથ્થરોને ફેંકનારો હું નથી.

ફાયદો જોયા જ કરવાની છે આદત એમની,
ભાવતાલોથી સંબંધો જોડનારો હું નથી.

મૌન પણ ક્યારેક તો પડઘાય છે મ્હેફિલ મહીં,
શબ્દના ઘોંઘાટ થઇને નાચનારો હું નથી.

માંગવા છે જો ખુલાસા, રૂબરૂ આવી મળો,
કાગળો કે કાસીદોને માનનારો હું નથી.

બસ હવે આ ‘હું’પણાની જેલમાંથી નીકળી,
એમ જીવી જાઉં જાણે, હું જ મારો ‘હું’ નથી.

એમ તો મેં પણ દીધું છે રક્ત વારંવાર ‘ગુલ’
તે છતાં એની નજરમાં કેમ સારો હું નથી ?

– અહમદ ‘ ગુલ’

3 Comments

  1. Shriya
    Shriya February 4, 2009

    સરસ વાત કરી છે..

    ફાયદો જોયા જ કરવાની છે આદત એમની,
    ભાવતાલોથી સંબંધો જોડનારો હું નથી….
    બસ હવે આ ‘હું’પણાની જેલમાંથી નીકળી,
    એમ જીવી જાઉં જાણે, હું જ મારો ‘હું’ નથી….

  2. Kanchankumari Parmar
    Kanchankumari Parmar August 15, 2009

    ઝીલ્યા છે ઘાવ તમારા અમે પથ્થરોથી; દીધા છે જવાબ અમે ફુલોથી;
    છતાંય જીત્યા તમે સંબન્ધોના સરવાળેથી……

  3. Chirag Patel
    Chirag Patel November 20, 2009

    આ કાંટાસળિયોના ફુલની છબી છે? ગુગલ કરતાં અહીં પહોંચ્યો…

Leave a Reply to Shriya Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.