Press "Enter" to skip to content

ત્યાં જ ઉભો છું

મને ખુદને જ મળતો હું હજી પણ ત્યાં જ ઉભો છું
ને વરસાદે પલળતો હું હજી પણ ત્યાં જ ઉભો છું

હતો જે આપણો સબંધ એના ભગ્ન અવશેષો
શિશુ માફક ચગળતો હું હજી પણ ત્યાં જ ઉભો છું

તને આગળ ને આગળ હું સતત જોયા કરું અથવા
પ્રયાસોમાં કથળતો હું હજી પણ ત્યાં જ ઉભો છું

ચણાયા કાકલૂદી પર થરકતી જ્યોતના કિસ્સા
દીવાને જેમ બળતો હું હજી પણ ત્યાં જ ઉભો છું

નગરનાં માણસો જે એ બધાં છે મીણના પૂતળાં
અને એમાં પીગળતો હું હજી પણ ત્યાં જ ઉભો છું

– શોભિત દેસાઈ

2 Comments

  1. pragnaju
    pragnaju August 23, 2008

    સરસ
    ચણાયા કાકલૂદી પર થરકતી જ્યોતના કિસ્સા
    દીવાને જેમ બળતો હું હજી પણ ત્યાં જ ઉભો છું
    નગરનાં માણસો જે એ બધાં છે મીણના પૂતળાં
    અને એમાં પીગળતો હું હજી પણ ત્યાં જ ઉભો છું
    શોભિતને મોઢે સાંભળવાની ખાસ મઝા છે!
    યાદ આવી
    આ તારી ગલીથી ઉઠી જવું, સાચે જ નથી મુશ્કીલ કિંતું
    તું સાંભળશે તો શુ કહેશે, બસ એ જ વિચારે ઉભો છું
    સમઝાતું નથી કંઇ ક્યાંથી મને, આ આવું લાગ્યું છે ધેલું
    જાકારો મળ્યો તો જ્યાં સાંજે, ત્યાં આવી સવારે ઉભો છું

  2. Kanchankumari parmar
    Kanchankumari parmar August 24, 2009

    મીણબત્તીની જેમ પીગળી પીગળી ને હું સળગતી રહી છું; સાથે સાથે મારું અસ્તિત્વ ટકાવવા બની શકે ત્યાં શુધી વિસ્તર્તી રહી છું; આનાથી વિશેષ બીજું મારાથી થાય પણ શું? આખર તો હું એક સ્ત્રી જ છું……

Your email address will not be published. Required fields are marked *

This site uses Akismet to reduce spam. Learn how your comment data is processed.