Press "Enter" to skip to content

એ લૂંટાય છે

પ્રશ્ન પણ ક્યારેક તો મૂંઝાય છે,
કેમ? એને ક્યાં કદી પૂછાય છે.

શક્યતા વાવી શકાવી જોઈએ,
બીજથી કૈં એમ ક્યાં ફૂટાય છે.

લાગણીભીનો બને જો માનવી,
તો જ આંસુ કોઈના લૂછાય છે.

દોસ્તી વૈભવ ગણું છું કેમકે,
હોય જેની પાસ એ લૂંટાય છે.

યાદનાં પંખી ઊડે છે ડાળથી,
કિન્તુ ટહુકાઓ સતત ઘૂંટાય છે.

કલ્પનાવૈભવ વિહોણી આંખમાં,
સ્વપ્ન આવીને અતિ મૂંઝાય છે.

નામ ‘ચાતક’ કોઈપણ રાખી શકે,
પણ પ્રતીક્ષાથી કદી છૂટાય છે ?

– દક્ષેશ કોન્ટ્રાકટર ‘ચાતક’

15 Comments

  1. Ami
    Ami August 25, 2011

    નામ ‘ચાતક’ કોઈપણ રાખી શકે,
    પણ પ્રતીક્ષાથી કદી છૂટાય છે ?
    વાહ…ખૂબ સરસ

  2. Vivek Tank
    Vivek Tank August 25, 2011

    વાહ વાહ ખુબ જ ગમી આ રચના.

  3. અશોક જાની 'આનંદ'
    અશોક જાની 'આનંદ' August 26, 2011

    દોસ્તી વૈભવ ગણું છું કેમકે,
    હોય જેની પાસ એ લૂંટાય છે.

    યાદનાં પંખી ઊડે છે ડાળથી,
    કિન્તુ ટહુકાઓ સતત ઘૂંટાય છે.

    આ બે ઉલ્લેખનીય શે’ર સહિતની આખી ગઝલ સુંદર..
    વારંવાર વાંચવી ગમે તેવી……..

  4. Himanshu Patel
    Himanshu Patel August 26, 2011

    યાદનાં પંખી ઊડે છે ડાળથી,
    કિન્તુ ટહુકાઓ સતત ઘૂંટાય છે.
    સ્પર્શી ગયું અભિવ્યક્તિથી અને ઇમેજથી…

  5. વાહ દક્ષેશભાઇ,
    સરસ,ટકોરાબંધ ગઝલ.
    એમાંય,
    બીજથી કૈં એમ ક્યાં ફૂટાય છે ?
    અને
    હોય જેની પાસ એ લૂંટાય છે.
    આ બન્ને વાત બહુજ ગમી મિત્ર!
    જય હો…!

  6. Pancham Shukla
    Pancham Shukla August 26, 2011

    સરસ ગઝલ.

    યાદનાં પંખી ઊડે છે ડાળથી,
    કિન્તુ ટહુકાઓ સતત ઘૂંટાય છે.

  7. P Shah
    P Shah August 26, 2011

    યાદનાં પંખી ઊડે છે ડાળથી,
    કિન્તુ ટહુકાઓ સતત ઘૂંટાય છે…

    સુંદર ગઝલનો સુંદર શે’ર !

  8. Kishore Modi
    Kishore Modi August 26, 2011

    મત્લા સહિત આખી ગઝલ સુંદર. અભિનન્દન.

  9. Kirtikant Purohit
    Kirtikant Purohit August 27, 2011

    કલ્પનાવૈભવ વિહોણી આંખમાં,
    સ્વપ્ન આવીને અતિ મૂંઝાય છે.

    વાહ.. મત્લા થોડો નબળો પડે છે પરન્તુ બાકી ગઝલ મસ્ત બની છે.
    આપણે હંમેશા બ્લોગને સાત્વિક ચર્ચાચોરો બનાવીએ. સૌને મદદ થશે અને રચનાઓ આપણી સુધારીને નિખરશે.

  10. Daxesh Contractor
    Daxesh Contractor August 27, 2011

    કીર્તિકાન્તભાઈ,
    મારી રચનાઓ વિશે કોઈપણ સૂચનો હમેશાં આવકાર્ય છે … એમાંય આપ જેવા અનુભવીઓની ટકોર ઘણું બધું શીખવાડે અને વધુ સારી રચનાઓની પ્રેરણા આપે છે. આભાર.

  11. Manhar Mody
    Manhar Mody August 29, 2011

    લાગણીભીનો બને જો માનવી,
    તો જ આંસુ કોઈના લૂછાય છે.

    સાવ સાચ્ચી વાત,દક્ષેશભાઈ. બહુ સરસ ગઝલ.

  12. Dilip Gajjar
    Dilip Gajjar August 31, 2011

    શક્યતા વાવી શકાવી જોઈએ,
    બીજથી કૈં એમ ક્યાં ફૂટાય છે.

    વાહ દક્ષેશભાઈ, સુંદર ગઝલ લઈ આવ્યા..

  13. Narendra Jagtap
    Narendra Jagtap September 3, 2011

    લાગણીભીનો બને જો માનવી,
    તો જ આંસુ કોઈના લૂછાય છે.

    દોસ્તી વૈભવ ગણું છું કેમકે,
    હોય જેની પાસ એ લૂંટાય છે.

    વાહ વાહ દક્ષેશભાઇ…. જાણે યુવરાજે મારેલી દરેક બોલે સિક્ષર….. સેલ્યુટ દોસ્ત …. સ્ટેંડીંગ ઓબેશન આપુ છુ ……સ્વિકારજો……

  14. Amita Bhakta
    Amita Bhakta September 4, 2011

    You have amazing knack of putting words together which of course, is an attribute of a good poet. ખુબ સુંદર રચના.

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.