શૂન્ય પાલનપુરીની એક અદભૂત રચના મનહર ઉધાસના સ્વરમાં.
*
આલ્બમ – અરમાન
*
ડંખ દિલ પર કાળ કંટકના સહન કીધાં વગર
પ્રેમ કેરા પુષ્પને ચૂમી શકે ના કો અધર
કાંસકીને જો કે એના તનનાં સો ચીરાં થયા,
તો જ પામી સ્થાન જઈને એ પ્રિયાની ઝુલ્ફ પર.
*
નહીં હોય ચંદાનું ઘાયલ જીગર તો અલૌકિક પ્રણયની કદર કોણ કરશે
સિતારા બની જો ચમકશે ન આંસુ, જગે પ્રેમગાથા અમર કોણ કરશે.
સમજવો નથી સાર કૈં જિંદગીનો કે સમજીને સુખથી બસર કોણ કરશે
છિપાવી ગયું પ્યાસ મૃગલું જો એની તો મૃગજળની સામે નજર કોણ કરશે.
નથી કોઈ પણ માર્ગદર્શક અમારો, નથી ક્યાંય પણ કોઈ મંઝિલ અમારી,
મુસીબત ઉઠાવી ફકત મોજ ખાતર, અમારી અદાથી સફર કોણ કરશે.
પીવાડો ગગન ડોકથી આંખ ઢાળી, અમારી તરસ કેરો ઉપકાર માની,
ભરેલી હશે જો અમારી નજર તો, તમારી નજર પર નજર કોણ કરશે.
નજર રૂપની એટલે એક પારો, હૃદય પ્રેમનું એટલે એક જ્વાળા,
સમાવ્યો છે પારો અમે આગ માંહે, જીગર ‘શૂન્ય’ એવું અવર કોણ કરશે.
– ‘શૂન્ય’ પાલનપુરી
પીવાડો ગગન ડોકથી આંખ ઢાળી,
અમારી તરસ કેરો ઉપકાર માની,
ભરેલી હશે જો અમારી નજર તો,
તમારી નજર પર નજર કોણ કરશે
’શૂન્ય’ હંમેશા શૂન્યમાથી સર્જન કરતા એવી પ્રતિતી થાય.
My favorite one – for years I was humming this!!! Those Golden days……. are unforgetablle. Thank you for awaken my sweet memories…
પીવાડો ગગન ડોકથી આંખ ઢાળી, અમારી તરસ કેરો ઉપકાર માની,
ભરેલી હશે જો અમારી નજર તો, તમારી નજર પર નજર કોણ કરશે
ખુબ સુન્દર રચના માણી. સુમધુર સ્વરમાં…
નહીં હોય ચંદાનું ઘાયલ જીગર તો
અલૌકિક પ્રણયની કદર કોણ કરશે
હાલમાં જ આભાર નામે ૨૫મો આલ્બમ રિલીજ કર્યો નહી ?
આ રચના બ્લોગ પર મુકવા દક્ષેશ તથા મીતિક્ષાનો આભાર.
મનહરભાઈએ આ ગઝલ બહુ જ દિલથી ગાઈ છે, જો કે શુન્યભાઈની ગઝલ પણ લાજવાબ છે.
લાજવાબ ગઝલ અને એવું જ સુંદર સ્વરાંકન!
સુધીર પટેલ.
ખૂબ સરસ.
Ghanu saras, gujrati bhasa nu aa milan sthan.
અત્યંત સરસ. મારા ખ્યાલથી તો કતલ કરી શકે તેવી રચના. શૂન્ય પાલનપુરીની.
ખરેખર…….. આ અદભુત રચનાના બોલની હું ઘણા બધા વખતથી શોધખોળ કરી રહ્યો હતો. મનહરભાઈએ બહુ દિલથી આ ગઝલને ગાઈ છે.
નથી કોઈ પણ માર્ગદર્શક અમારો,
નથી ક્યાંય પણ કોઈ મંઝિલ અમારી,
મુસીબત ઉઠાવી ફકત મોજ ખાતર,
અમારી અદાથી સફર કોણ કરશે
————
મને બહુ જ ગમતો શેર.