એક જ દે ચિનગારી
આજે એક સુંદર પ્રાર્થનાગીત. નાનાં હતાં ત્યારથી આ પ્રાર્થનાના શબ્દો કાનમાં ગૂંજતા થયેલા અને હજુ આજેય એ એટલા જ મધુરા લાગે છે. ગુજરાતી પ્રાર્થનાગીતોમાં અદકું સ્થાન ધરાવતી હરિહર ભટ્ટની આ રચનાને આજે સાંભળો.
[આલ્બમ: પ્રાર્થનાપોથી, પ્રકાશક - સૂરમંદિર ]
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
એક જ દે ચિનગારી, મહાનલ!
એક જ દે ચિનગારી.
ચકમક લોઢું ઘસતાં ઘસતાં ખરચી જિંદગી સારી,
જામગરીમાં તણખો ન પડ્યો, ન ફળી મહેનત મારી.
મહાનલ! એક જ દે ચિનગારી.
ચાંદો સળગ્યો, સૂરજ સળગ્યો, સળગી આભઅટારી,
ના સળગી એક સગડી મારી, વાત વિપતની ભારી.
મહાનલ! એક જ દે ચિનગારી..
ઠંડીમાં મુજ કાયા થથરે, ખૂટી ધીરજ મારી,
વિશ્વાનલ હું અધિક ન માગું, માગું એક ચિનગારી.
મહાનલ! એક જ દે ચિનગારી..
- હરિહર ભટ્ટ
November 11th, 2008 at 8:40 pm
નાનપણથી ગાતા હતા તે ભજન હજુ પણ એટલું જ ભાવવાહી લાગે છે
November 11th, 2008 at 10:56 pm
“વિશ્વાનલ હું અધિક ન માગું, માગું એક ચિનગારી” – આજની આ વૈશ્વિક અસ્થિરતાના સમયમાં આ પ્રાર્થના સૌને બળ આપે તેવી છે. ધન્યવાદ.
November 12th, 2008 at 2:31 am
સુંદર પ્રાર્થનાગીત અને બાળકની સુંદર નિર્દોષ ભાવાકૃતિ ! અભિનંદન !
November 23rd, 2008 at 12:50 pm
During Primary schooling our teacher used to sing this prayer every Saturday. Thanks for reminding me of my childhood
July 7th, 2009 at 12:50 am
બહુ જ સરસ પ્રાર્થના.
September 11th, 2009 at 8:55 am
This song is excellent & beautiful. i love it very very much.
January 13th, 2010 at 10:37 am
ખુદકો કર બુલંદ ઈતના કે ખુદા બંદે સે પુછે, બતા તેરી રઝા ક્યા હે?
આ ભાવના સાથેની આ રચનાના કવિનું નામ મને ખબર નથી.
“મહામનુ માગે શુ ચિનગારી, તુજ અનલ અવતારી”
આ ગીત આશીત દેસાઈ ના સંગીતંમા ચંદુ મટાણી અને સાથીઓએ ગાયુ છે.
તમે આ ગીત જો મુકી શકો તો સારુ.