Press "Enter" to skip to content

બધું જિંદગી આપવાની નથી

સમસ્યા હવે હલ થવાની નથી,
જવાની સમયસર જવાની નથી.

તું પૂછીશ ના એનાં કારણ મને,
અસર છે દુઆની, દવાની નથી.

તરસ પામવા આદરી છે સફર,
ફિકર એટલે ઝાંઝવાની નથી.

એ કાલે હતી ક્યાં કે આજે થશે,
આ ખુશ્બુય વ્હેતી હવાની નથી.

ખરે, પાનખરમાં જ પર્ણો ખરે,
સજા, ડાળને કાપવાની નથી.

ઘડીભર છો લાગે કે હાંફી ગઈ,
આ ઈચ્છા કદી થાકવાની નથી.

અપેક્ષા જીવનથી ન રાખો વધુ,
બધું જિંદગી આપવાની નથી.

નિજાનંદ માટે છે ‘ચાતક’ ગઝલ,
મમત શબ્દને માપવાની નથી.

– © દક્ષેશ કોન્ટ્રાકટર ‘ચાતક’

12 Comments

  1. Rina
    Rina August 25, 2014

    Waah………….

  2. Hitesh Gandhi
    Hitesh Gandhi August 25, 2014

    Excellent……..

  3. Kishore Modi
    Kishore Modi August 25, 2014

    ખૂબ સરસ ગઝલ.
    અપેક્ષા જીવનથી ન રાખો વધુ,
    બધું જિંદગી અાપવાની નથી.
    બીજા શે’ર સારા રહ્યા.અભિનંદન

  4. Rekha Shukla
    Rekha Shukla August 26, 2014

    એક ઉમ્ર વિતે ખરી પથ્થર ને દિલ બનતા
    તેથી જ કંડારાય તું આંસુ જેવા અક્ષર બનતા
    —-રેખા શુક્લ
    khub sundar rachna

  5. અશોક જાની 'આનંદ'
    અશોક જાની 'આનંદ' August 26, 2014

    ઘડીભર છો લાગે કે હાંફી ગઈ,
    આ ઈચ્છા કદી થાકવાની નથી….ક્યા બાત .. ગમી જાય એવી ગઝલ… !!

  6. Manhar V Baria
    Manhar V Baria September 5, 2014

    અપેક્ષા જીવનથી ન રાખો વધુ,
    બધું જિંદગી આપવાની નથી.
    સાવ સો ટચ સોનાની વાત છે દક્ષેશભાઈ. ખરેખર જિંદગીમાં ઈશ્વરે જે આપ્યું છે તેને માણી અને જીવી લેવું જોઈએ. ભગવાને ખુબ ઉદાર થઈને આપ્યું છે. બસ ભગવાનને યાદ કરીને જીવન જીવી લેવું. દક્ષેશભાઈ, તમારા દિમાગમાં અને દિલમાં આવા વિચારો કેવી રીતે આવે છે .. ખુબ સરસ.

    • Daxesh
      Daxesh September 8, 2014

      આભાર મનહરભાઈ .. વિચારો ઈશ્વરની પ્રેરણા અને કૃપાથી જ આવે છે …

  7. Bini Shah
    Bini Shah September 6, 2014

    મસ્ત ગઝલ… (Y)
    નિજાનંદ માટે છે ‘ચાતક’ ગઝલ,
    મમત શબ્દને માપવાની નથી.

  8. Sudhir Patel
    Sudhir Patel September 14, 2014

    સુંદર ગઝલ!

  9. પ્રવીણ જાદવ
    પ્રવીણ જાદવ September 24, 2014

    વાહ! ખૂબ સરસ ગઝલ!

Leave a Reply to Rina Cancel reply

Your email address will not be published. Required fields are marked *

This site uses Akismet to reduce spam. Learn how your comment data is processed.