Press "Enter" to skip to content

હસ્તાક્ષર


ઉમાશંકર જોશી, રમેશ પારેખ, સુરેશ દલાલ, માધવ રામાનુજ, રમણભાઈ પટેલ અને તુષાર શુકલ રચિત ગીતો પર સ્વરાંકન થયેલ હસ્તાક્ષર આલ્બમનું આ ટાઈટલ ગીત છે. જગજતસીંઘનો ઘેરો અને ઘૂંટાયેલો અવાજ આ અર્થસભર રચનાને નવો મિજાજ આપે છે, એને ફરી ફરી સાંભળવાનું મન થાય એવી બનાવે છે. લેખન અને ગાયન માત્ર મનોરંજન પૂરતું સીમિત ન રહેતાં એક આરાધના બની શકે … કંઠ એક જો બને પૂજારી ગીત બને પરમેશ્વર; સૂર-શબ્દના થાય હૃદય પર સહિયારા હસ્તાક્ષર. અદભૂત.
*
[સ્વર: જગજીતસીંઘ, સંગીત: શ્યામલ-સૌમિલ મુન્શી]

*
અંતરનાં પાને હળવેથી અંકાયા સ્વર અક્ષર;
સૂર-શબ્દના થાય હૃદય પર સહિયારા હસ્તાક્ષર;
એવા આ હસ્તાક્ષર.

વતન તણી માટીની ફોરમ ભીંજવી દેતી ભીતર;
ફૂલ-ફૂલની ઓળખ લઇને ખુશ્બુ વહેતી ઘર ઘર;

સમય ભલેને સરી જાય પણ અમર રહે સ્વર અક્ષર;
સૂર-શબ્દના થાય હૃદય પર સહિયારા હસ્તાક્ષર;
એવા આ હસ્તાક્ષર.

એક જ નાની ફૂંક વહે ને એક બંસરી વાગે;
એક જ પીંછીં રંગ ભરે ને દ્રશ્ય સજીવન લાગે;

કંઠ એક જો બને પૂજારી ગીત બને પરમેશ્વર;
સૂર-શબ્દના થાય હૃદય પર સહિયારા હસ્તાક્ષર;
એવા આ હસ્તાક્ષર.

– તુષાર શુકલ

4 Comments

  1. Pragnaju
    Pragnaju September 5, 2008

    તુષાર શુકલ તો ચલો ગુજરાતમાં છવાઈ ગયા હતા! આજે વારંવાર માણેલી ફરી —એટલો જ આનંદ

  2. Markand Dave
    Markand Dave January 9, 2009

    tushar sir,
    મધ-મીઠું મલકાતા રહો, હૈયે ઉભરાઈ છલકાતા રહો,
    કર્ણ-નાદ ના સુણ્યો તેથી શું? બસ રુંવે રુંવે રણકાતા રહો.
    GREAT COMBINATION OF SABD-AAVAZ. GOD BLESS U.

  3. Kanchankumari Parmar
    Kanchankumari Parmar July 29, 2009

    હશે પુષ્પો જાણી કદમો માંડી દિધા; જોયુ તો શબ્દો વેરાયેલા કદમો વાળી લીધા; ત્યાંતો થયો ભણકાર મુજને ને શબ્દો કહેતા દીઠા છે પુષ્પો દેવોના શાથી અમે તો તમારા સંગાથી…..

  4. Mahendra Thaker
    Mahendra Thaker March 14, 2010

    મને હમણાં જ આ વેબસાઈટની ખબર પડી. (કોઇએ સમાચાર આપ્યા). હું ગુજરાતી છું અને આ વેબ સરનામામાં મને ઘણો રસ પડ્યો. થોડો પ્રયત્ન કરવો પડશે.

Your email address will not be published.

This site uses Akismet to reduce spam. Learn how your comment data is processed.