મારી અંદર

ચોગમ ફેલાયેલું રણ છે મારી અંદર.
મૃગજળ જેવી ભીની ક્ષણ છે મારી અંદર.

અરમાનોની કુંજગલીમાં ભટકી ભટકી,
હાંફી ગયેલાં કૈંક હરણ છે મારી અંદર.

ઝાંઝવા સમી લાગણીઓ શાને વરસાવે,
થીજી ગયેલાં સાવ ઝરણ છે મારી અંદર,

શાહી કલમની સૂકાવાનું નામ નહીં લે,
કૈં કેટલાં અવતરણ છે મારી અંદર.

કણકણમાં તું છુપાયેલો, જાણું છું, પણ
બાકી ના કોઈ રજકણ છે મારી અંદર.

‘ચાતક’ થઈને રાહ જોઉં છું કૈં વરસોથી
આવ, આવવાનાં કારણ છે મારી અંદર.

– દક્ષેશ કોન્ટ્રાકટર ‘ચાતક’

COMMENTS (13)
Reply

વાહ..વાહ..દક્ષેસભાઈ ખૂબ સરસ. આખી રચના લાજવાબ…

Reply

ગા ગા ના આવર્તનમાં નવી રદીફ પ્રયોજીને કહેવાયેલી સુંદર ગઝલ. અભિનન્દન.

Reply

ખૂબ જ સુંદર ગઝલ!
સુધીર પટેલ.

રદીફને સરસ રીતે નિભાવતી મઝાની ગઝલ.

Reply

ગઝલ સરસ છે પણ રદીફનો પ્રયોગ વધુ ક્લિષ્ટ બનતો નથી લાગતો? લય પણ ક્યાઁક ખટકતો અનુભવાય છે. તજજ્ઞો વધુ પ્રકાશ પાડે તો ગમે.

અરમાનોની કુંજગલીમાં ભટકી ભટકી,
હાંફી ગયેલાં કૈંક હરણ છે મારી અંદર.

ઝાંઝવા સમી લાગણીઓ શાને વરસાવે,
થીજી ગયેલાં સાવ ઝરણ છે મારી અંદર,

વાહ વાહ, દક્ષેશભાઈ. હવે તમારી ગઝલો વાંચવાનું વ્યસન થઈ ગયું છે. લગે રહો.

Reply

સરસ અભિવ્યક્તિ…!!! સુંદર ગઝલ,
આ વિશેષ ગમ્યું…
શાહી કલમની સૂકાવાનું નામ નહીં લે,
કૈં કેટલાં અવતરણ છે મારી અંદર.

કણકણમાં તું છુપાયેલો, જાણું છું, પણ
બાકી ના કોઈ રજકણ છે મારી અંદર.

કિર્તીકાન્તભાઇની વાત કંઇક અંશે ખરી છે…
ત્રીજા શે’ર માં ‘ઝાંઝવા સમી ‘ માં ગાલગાલગા વજન થાયછે, જ્યારે આમ છંદ ગાગાગા… લાગે છે. એવુ જ પછીના શે’રમાં પણ લાગે છે.

સુંદર ગઝલ !
આવ, આવવાનાં કારણ છે મારી અંદર.

તમારી ગઝલ વાંચવાનું કંઇક તો કારણ ગઝલની અંદર !
અભિનંદન !

‘ચાતક’ થઈને રાહ જોઉં છું કૈં વરસોથી
આવ, આવવાનાં કારણ છે મારી અંદર
ક્યા બાત હૈ ચાતક સાહેબ, સુંદર કહ્યું…

ઝાંઝવા સમી = મૃગજળ જેવી- એમ કરીને વાંચી શકાય.

કણકણમાં તું છુપાયેલો, જાણું છું, પણ
બાકી ના કોઈ રજકણ છે મારી અંદર…..વાહ વાહ …ક્યા બાત હૈ….સરસ ગઝલ

Leave a Comment

Comment (required)

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Name (required)
Email (required)