Press "Enter" to skip to content

ઘનશ્યામને

રાતની હરદમ પ્રતીક્ષા જામને,
જેમ મીરાં શોધતી ઘનશ્યામને.

એક ઘટના એટલે અટવાઈ ગઈ,
માર્ગ ના પૂછી શકી અંજામને.

શ્હેર પ્રત્યે અણગમો ભારે હતો,
ભેટવું તો પણ પડ્યું છે ગામને.

બોર ખાટાં નીકળે તો શું કરું ?
પૂછવા આવી પ્રતીક્ષા રામને.

હર પરાજયને નિકટથી પેખવો,
ખિન્નતા એની રહી ઈનામને.

મોતની છે મેમરી કેવી સટીક,
ભૂલતું ના એ કોઈયે નામને.

જિંદગીનો થાક લાગે છે હવે,
કામ કરશે? પૂછ ઝંડુ બામને.

જીવવું ‘ચાતક’ જરૂરી કામ, પણ
કામમાં ભૂલી ગયો એ કામને.

– © દક્ષેશ કોન્ટ્રાકટર ‘ચાતક’

12 Comments

  1. Rina
    Rina July 10, 2015

    Wahh……

    • Daxesh
      Daxesh July 22, 2015

      Thanks ..

  2. અશોક જાની 'આનંદ'
    અશોક જાની 'આનંદ' July 10, 2015

    જીવવું ‘ચાતક’ જરૂરી તો હતું,
    કામમાં ભૂલી ગયો એ કામને…. આવું ના કરો …!! ભાઈ.. એ જ તો ખરું કામ છે ને એનેજ ભૂલી જવાય ?!!!

    (ત્રીજા શે’રમાં સાની મિસરામાં ‘પડ્યું ‘નું વજન તમે ગાગા લીધું છે.. તકતી પ્રમાણે પણ એનું વજન લાગા થાય ને ?
    એની જગ્યાએ આવું કરો તો ? ‘ ભેટવું તો પણ પડ્યું છે ગામને’ )

    • Daxesh
      Daxesh July 10, 2015

      અશોકભાઈ,
      તમારી વાત પ્રમાણેનો સુધારો કરી લઉં છું … ધ્યાન પર લાવવા બદલ આભાર.
      મક્તામાં સહેજ સુધારો કર્યો છે. આપને ગમશે.
      🙂

  3. Jaymeen Thakar
    Jaymeen Thakar July 10, 2015

    sooo nice bhai

    • Daxesh
      Daxesh July 22, 2015

      Thank you .. 🙂

  4. Rekha Shukla
    Rekha Shukla July 10, 2015

    મોતની છે મેમરી કેવી સટીક,
    ભૂલતું ના એ કોઈયે નામને.

    • Daxesh
      Daxesh July 22, 2015

      🙂 … પણ આપણે એ હકીકત યાદ રાખવાની.

  5. Ishvar R Darji
    Ishvar R Darji July 12, 2015

    દક્ષેશભાઈ :
    સુંદર કૃતિ. શહેર પ્રત્યેનો અણગમો અને ગામને ભેટવાની વાત ઘણી ગમી.

    • Daxesh
      Daxesh July 22, 2015

      આપના પ્રોત્સાહન બદલ આભાર …

  6. Kishore Modi
    Kishore Modi August 1, 2015

    નવી જ વાતો મમળાવતી સુંદર ગઝલ

    • Daxesh
      Daxesh August 5, 2015

      આભાર ..

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.