Press "Enter" to skip to content

ઈચ્છાનો માળો


[Painting by Donald Zolan]

*
પ્રેમના નામે હિમાળો નીકળ્યો,
અર્થ આંસુનો હુંફાળો નીકળ્યો.

બારણાં ઊભા ઊભા થાકી ગયાં,
પથ પ્રતીક્ષાનો છિનાળો નીકળ્યો.

સ્પર્શ એનો સાવ ખરબચડો હતો,
આદમી દિલથી સુંવાળો નીકળ્યો.

રુક્ષતાના મૂળમાં રૂઠી ગયા
કૈંક અશ્રુઓનો ફાળો નીકળ્યો.

જિંદગીની જર્જરિત ડાળી ઉપર,
કેટલી ઈચ્છાનો માળો નીકળ્યો.

સંમતિ સમજી લીધી જેને અમે,
માત્ર આંખોનો ઉલાળો નીકળ્યો.

ક્યાં જઈ ‘ચાતક’ ઉદાસી લૂછવી ?
રંગ જ્યાં તડકાનો કાળો નીકળ્યો !

– © દક્ષેશ કોન્ટ્રાકટર ‘ચાતક’

3 Comments

  1. Bhagyashreeba Vaghela
    Bhagyashreeba Vaghela April 22, 2018

    વાહહહહ…..!!?

  2. Dayalji Chotaliya
    Dayalji Chotaliya April 26, 2018

    ખૂબ સરસ…

  3. Kadiwala Sakilbhai S
    Kadiwala Sakilbhai S May 5, 2019

    It’s nice
    One idea sir
    Esi poem to news papers and social media me aani chahiye.
    I need help this all poems to social media marketing?

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.