Press "Enter" to skip to content

ચુંટલી ખણી હશે ?

સૂરજ તપે છે કેટલો ! ગરમી ઘણી હશે,
નક્કી એ નબળી બાઈનો શૂરો ધણી હશે.

સૌંદર્ય જોઈ રાતનું શંકા એ થાય છે,
સંધ્યાએ શું શું ખાઈને એને જણી હશે ?

તડકો ને છાંયડી રહે એક જ મકાનમાં,
ઊંચી દિવાલ એમણે ઘરમાં ચણી હશે ?

સુંદરતા, સાદગી, અને શાલીનતા, જુઓ !
કેવી નિશાળે ચાંદની જઈને ભણી હશે ?

વ્હેલી સવારે ઓસની બૂંદોને જોઈ થ્યું,
ફૂલોની આંખમાં પડી કોઈ કણી હશે ?

ઉડ્યા કરે છે એ મુઆ, ઠરતાં નથી કશે,
કોણે ભ્રમરની પૂંઠ પર ચુંટલી ખણી હશે ?

‘ચાતક’ ખયાલ રાખજો સપનાંનો ઊંઘમાં,
એણે નયનમાં આવવા રાતો ગણી હશે.


– © દક્ષેશ કોન્ટ્રાકટર ‘ચાતક’

4 Comments

  1. અશોક જાની 'આનંદ'
    અશોક જાની 'આનંદ' March 16, 2018

    ઉડ્યા કરે છે એ મુઆ, ઠરતાં નથી કશે,
    કોણે ભ્રમરની પૂંઠ પર ચુંટલી ખણી હશે ?….. વાહ સરસ ચૂંટી ખાણી છે… મજા આવી

  2. Bhagyashreeba Vaghela
    Bhagyashreeba Vaghela March 16, 2018

    વાહ…કેવો શુરો ધણી….કેવી નિશાળમાં ચાંદની ભણી હશે? ઓહો…લાજવાબ.

  3. Kishore Modi
    Kishore Modi March 23, 2018

    મક્તા સાથે ચોથો શે’ર અત્યંત ઋજુ ને ઉમદા શે’ર

  4. Devesh Dave
    Devesh Dave October 24, 2018

    Wah Daxeshbhai ji hello

Leave a Reply

Your email address will not be published. Required fields are marked *

This site uses Akismet to reduce spam. Learn how your comment data is processed.