Press "Enter" to skip to content

Month: December 2021

આંસુ નીકળતાં હોય છે


[Painting by Donald Zolan]
અલવિદા ૨૦૨૧. સ્વાગત ૨૦૨૨.
સૌ મિત્રોને ઈસુના નવા વર્ષની શુભકામનાઓ.
*
આકરા સંઘર્ષમાં આંસુ નીકળતાં હોય છે,
કે પછી બહુ હર્ષમાંં આંસુ નીકળતાં હોય છે.

પાંપણો બીડી સહજ જોઈ શકાતા હોય એ,
સ્વપ્નના ઉત્કર્ષમાં આંસુ નીકળતાં હોય છે.

એકલી ભીંતો રડે? એવું તો થોડું હોય કંઈ?
ક્યાંક ભીની ફર્શમાં આંસુ નીકળતાં હોય છે.

ઠાઠ, ઠસ્સો, મદભરેલી ચાલથી અંજાવ ના,
રોજ એના પર્સમાં આંસુ નીકળતાં હોય છે.

હોય છે પથ્થર સમા કોઈ તબીબોના હૃદય,
કોઈ ઋજુ નર્સમાં આંસુ નીકળતાં હોય છે.

કેટલા મહિના દિવસ હસતો રહે છે માનવી,
એ હિસાબે વર્ષમાં આંસુ નીકળતાં હોય છે.

આંખની ફરિયાદ ખોટી હોય ‘ચાતક’ શી રીતે?
પ્રેમના નિષ્કર્ષમાં આંસુ નીકળતાં હોય છે.

– © દક્ષેશ કોન્ટ્રાકટર ‘ચાતક’

Leave a Comment